മഞ്ഞുമ്മല് ബോയ്സ്' സിനിമ നിര്മാതാക്കളുടെ ബാങ്ക് അക്കൗണ്ടുകള് മരവിപ്പിക്കാന് ഉത്തരവ്
Published on 13 April, 2024
കൊച്ചി: 'മഞ്ഞുമ്മല് ബോയ്സ്' സിനിമാ നിര്മാതാക്കളുടെ ബാങ്ക് അക്കൗണ്ടുകള് മരവിപ്പിക്കാന് എറണാകുളം സബ് കോടതി ഉത്തരവിട്ടു.
ചിത്രത്തിന്റെ നിര്മാണ കമ്ബനിയായ പറവ ഫിലിംസിന്റെയും പാര്ട്ണര് ഷോണ് ആന്റണിയുടെയും 40 കോടി രൂപയുടെ ബാങ്ക് അക്കൗണ്ടാണ് സബ് കോടതി ജഡ്ജി സുനില് വര്ക്കി മരവിപ്പിച്ചത്.
ചിത്രത്തിന്റെ നിര്മാണത്തിന് ഏഴുകോടി രൂപ മുതല്മുടക്കിയ അരൂര് സ്വദേശി സിറാജ് വലിയത്തറ ഹമീദ് സമര്പ്പിച്ച ഹര്ജിയിലാണ് കോടതി ഉത്തരവ്. 40 ശതമാനം ലാഭവിഹിതം വാഗ്ദാനം ചെയ്തു നിര്മാതാക്കള് പണം കൈപ്പറ്റിയശേഷം ലാഭവിഹിതമോ മുതല്മുടക്കോ നല്കാതെ കബളിപ്പിച്ചതെന്നാണു ഹര്ജി.
ആഗോളതലത്തില് ഇതുവരെ 220 കോടി രൂപ ചിത്രം കളക്ഷന് നേടിയിട്ടുണ്ടെന്നും ഒടിടി പ്ലാറ്റ്ഫോമുകള് മുഖേന ചിത്രം 20 കോടിയോളം രൂപ നേടിയിട്ടുണ്ടെന്നും ഹര്ജിയില് പറയുന്നു. 22 കോടി രൂപ ചെലവ് വരുമെന്നു പറഞ്ഞാണ് ഏഴു കോടി രൂപ വാങ്ങിയതെന്നും ഹര്ജിയില് ചൂണ്ടിക്കാട്ടുന്നു. ചിത്രത്തിന്റെ നിര്മാതാക്കളായ സൗബിന് ഷാഹിര്, ബാബു ഷാഹിര് എന്നിവര്ക്ക് കോടതി നോട്ടീസ് അയച്ചു.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല