ഏഷ്യാനെറ്റ് എല്ലാ പ്രായത്തിലുമുള്ള പ്രേക്ഷകരെയും  ആകര്‍ഷിക്കാന്‍ തക്കവിധത്തിലുള്ള  വിനോദ പരിപാടികളാണ് ഈസ്റ്ററിന് സംപ്രേക്ഷണം ചെയ്യുന്നത്. ആകര്‍ഷകമായ സിനിമകള്‍ മുതല്‍ വൈവിധ്യമാര്‍ന്ന,  മനസ്സിനെ ഉണര്‍ത്തുന്ന മികവുറ്റ പരിപാടികള്‍  വരെ, മാര്‍ച്ച് 31-ന് പ്രേക്ഷകക്ക് മുന്നില്‍ എത്തുന്നു. 

മെഗാ സ്റ്റേജ് ഇവന്റ്: 'ആടുജീവിതം - ദി ഗോട്ട് ലൈഫ്  മ്യൂസിക്  ലോഞ്ച് ഇവന്റ് രാവിലെ 9 മണിക്ക് സംപ്രേക്ഷണം ചെയ്യുന്നു . എ ആര്‍ റഹ്‌മാനും മോഹന്‍ലാലും ലോഞ്ചിന്റെ  മുഖ്യാതിഥികളായി വേദിയിലെത്തുമ്പോള്‍ ഈണങ്ങളും  താളങ്ങളും വിസ്മയിപ്പിക്കാന്‍ വിജയ് യേശുദാസ്, ചിന്മയി, സുദീപ്, ജിതിന്‍ രാജ് എന്നിവരും എത്തുന്നു. ഉച്ചയ്ക്ക് 1.30 ന്, നായ്ക്കളായ ടോമിയും അമലുവും തമ്മിലുള്ള പ്രണയകഥ പറയുന്ന ചലച്ചിത്രം  'വാലട്ടി' യും ,  വൈകുന്നേരം 4 മണിക്ക്  വേള്‍ഡ് ടെലിവിഷന്‍ പ്രീമിയറില്‍ 'ഫലിമി' എന്ന സിനിമയും പ്രേക്ഷകരുടെ സ്വീകരണമുറിയില്‍ എത്തുന്നു  ബേസില്‍ ജോസഫ്, ജഗദീഷ്, മഞ്ജു പിള്ള, സന്ദീപ് പ്രദീപ്, മീനരാജ് രാഘവന്‍ എന്നിവര്‍ അഭിനയിക്കുന്നു.

'ചെമ്പനീപ്പൂവ്', 'ഗീതാഗോവിന്ദം', 'ചന്ദ്രികയില്‍ അലിയുന്ന ചന്ദ്രകാന്തം', 'പത്തരമാറ്റ് ' എന്നിവയുടെ ആകര്‍ഷകമായ എപ്പിസോഡുകള്‍ രാത്രി 7 മണി മുതല്‍ 9 മണി വരെയും  രാത്രി 9 മണിക്ക് മോഹന്‍ലാല്‍ അവതാരകനായ, ഏറെ പ്രശംസ നേടിയ റിയാലിറ്റി ഷോയായ ബിഗ് ബോസ് സീസണ്‍ 6 ഉം  ,  രാത്രി 10.30 ന് മനുഷ്യവികാരങ്ങളും അപ്രതീക്ഷിത ട്വിസ്റ്റുകളും പര്യവേക്ഷണം ചെയ്യുന്ന ഒരു ആകര്‍ഷകമായ ചിത്രം  'പൂക്കാലവും'സംപ്രേക്ഷണം ചെയ്യുന്നു. വിജയരാഘവന്‍, കെപിഎസി ലീല, ബേസില്‍ ജോസഫ്, ജോണി ആന്റണി, ജഗദീഷ്, അന്നു ആന്റണി, അരുണ്‍ കുര്യന്‍ എന്നിവര്‍ അഭിനയിക്കുന്നു.