എല്ലാവരും മത്തായി ചേട്ടൻ എന്ന് വിളിക്കുന്ന ഞാൻ ഒരു സ്വാതന്ത്ര്യസമര പോരാളിയാണ്, 99 വയസ്സിലും എൻറെ വീര്യം ചോർന്നിട്ടില്ല. ഞാൻ അന്നേ വാൺ ചെയ്തതാണ്. ഇന്ത്യയിലെ വർഗീയ ഫാസിസ്റ്റ് ഭരണാധികാരികളെ സമാധാന സമരത്തിലൂടെ നാം തൂത്തെറിയണം. ഇന്ത്യയെ സ്നേഹിക്കുന്ന ഇന്ത്യക്കകത്തും പുറത്തും താമസിക്കുന്ന മാന്യ വ്യക്തികളെ ഇന്ത്യയിൽ ജനാധിപത്യം അപകടത്തിൽ. വർഗീയ ഫാസിസ്റ്റ് ശക്തികൾ അവിടെ പത്തി വിടർത്തിയാടുന്നു. കേന്ദ്രതലത്തിൽ വൻ അഴിമതികൾ, പ്രതിപക്ഷ കക്ഷികളെ ഭരണകക്ഷിക്കാരുടെ ഈടികളും, നീതിന്യായ വ്യവസ്ഥകളും ജയിലിൽ അടയ്ക്കുന്നു. പ്രതിപക്ഷ കക്ഷികളുടെ ഫണ്ടുകൾ അവർ മരവിപ്പിക്കുന്നു. പ്രതിപക്ഷത്തെ പല നേതാക്കളെയും പേടിപ്പിച്ച് അവർ ബിജെപിയിൽ ചേർക്കുന്നു. കേന്ദ്രം ഭരിക്കുന്ന പ്രതിലോമ മത ശക്തികളെ, അതിന് വിദേശത്തും കുടപിടിക്കുന്ന വർഗീയവാദികളെ നമ്മൾ ഒറ്റപ്പെടുത്തണം. ഇത് ഭാരതത്തിലെ ഒരു ജീവൽ പ്രശ്നമാണ്. അമേരിക്കയിലെ ഫോമാ പൊക്കാനാ വേൾഡ് മലയാളി പ്രവർത്തകരെ, സാമൂഹ്യ സാംസ്കാരിക പ്രവർത്തകരെ ബുദ്ധിജീവികളെ, നമ്മളിങ്ങനെ ഇവിടുത്തെ ഫോട്ടോ വെച്ച് ന്യൂസും കൊടുത്തു അത് ചെയ്തു എന്നുള്ള വാർത്തയും കൊടുത്തു കൺവെൻഷനും ഡാൻസും കൂത്തുമായി മാത്രം നടന്നാൽ പോരാ, നമ്മുടെ നാട് വർഗീയ ഫാസിസ്റ്റ് ശക്തികൾ . കയ്യേറി കുട്ടി ചോറാക്കിക്കൊണ്ടിരിക്കുകയാണ്. ഇന്നിതാ അരവിന്ദ് കേജ്‌രിവാളിനെ അറസ്റ്റ് ചെയ്തിരിക്കുന്നു. പിണറായി മുക്ത കമ്മ്യൂണിസ്റ്റുകാരാ, മറ്റു കോൺഗ്രസുകാരാ, 2020 കാരാ എല്ലാവരും ഒറ്റക്കെട്ടായി ഉണരൂ കൈകോർത്തു സഹനസമരത്താൽ ഇന്ത്യൻ ജനതയെ രക്ഷിക്കാം. ഇന്ത്യ എല്ലാ മതക്കാരുടേതുമാണ്. അവിടെ എല്ലാ മതക്കാർക്കും തുല്യ അവകാശം. അമേരിക്കയിൽ എന്ന മാതിരി മതേതരത്വം ഇന്ത്യയിൽ നടമാടണം. 90 കഴിഞ്ഞ ഈ മത്തായി ചേട്ടനും വടികുത്തിപ്പിടിച്ച് നിങ്ങളോടൊപ്പം സഹന സമരത്തിന് ഉണ്ടാകും. ചാകുന്നെങ്കിൽ ചാകട്ടെ ഒരു നല്ല കാര്യത്തിന് അല്ലേ?