ചിക്കാഗോ: ശ്രീരാമദാസ മിഷന്റെ ആഭിമുഖ്യത്തില്‍ ശതചണ്ഡി മഹായാഗം നടത്തപ്പെടുന്നു. ശ്രീശക്തി ശാന്താനന്ദ മഹര്‍ഷി, ഡോ. ശ്രീനാഥ് കാരയാട്ട്, ശ്രീ. ജയപ്രകാശ് ബാലകൃഷ്ണന്‍ തുടങ്ങിയവര്‍ ശതചണ്ഡി മഹായാഗത്തിന് നേതൃത്വം വഹിക്കും. 

ഏപ്രില്‍ 6,7 തീയതികളില്‍ ഹൂസ്റ്റണിലുള്ള ശ്രീരാമദാസ ആശ്രമത്തില്‍ വച്ചായിരിക്കും യാഗം നടക്കുക. ഏപ്രില്‍ ആറാം തീയതി രാവിലെ 9 മണിക്ക് മഹാലക്ഷ്മി യാഗത്തോടുകൂടി ആരംഭിച്ച് 2 മണിക്ക് ചണ്ഡികാ പാരായണം, ആറുമണിക്ക് ബലി പൂജ എന്നിവയും, ഏപ്രില്‍ ഏഴാം തീയതി രാവിലെ 9 മണിക്ക് ചണ്ഡികാ ഹോമം, രണ്ടു മണിക്ക് കന്യകാ പൂജ, 2.30-ന് വട്ടക പൂജ, 3 മണിക്ക് സുവാസിനി പൂജ എന്നിവയോടുകൂടി ഈ മഹായാഗത്തിന് പരിസമാപ്തി കുറിക്കും. 

അമേരിക്കയിലുള്ള വിശ്വാസികള്‍ക്ക് കിട്ടുന്ന ഒരു അപൂര്‍വ്വ അവസരമാണ് ഇത്. ഈ യാഗത്തില്‍ പങ്കെടുക്കുക എന്നത് ജന്മസാഫല്യമായിരിക്കും. ഹൂസ്റ്റണില്‍ സ്ഥിതിചെയ്യുന്ന ശ്രീരാമദാസ ആശ്രമത്തില്‍ വച്ചു നടത്തുന്ന ഈ യാഗത്തിന് ശേഷം അമേരിക്കയിലെ വിവിധ നഗരങ്ങളില്‍ വച്ച് ഹിന്ദു സമൂഹത്തിലെ സമസ്ത ജനവിഭാഗങ്ങളേയും ഒരുമിച്ച് ചേര്‍ത്ത് ചണ്ഡികാ യാഗം പഠിപ്പിച്ച് യാഗം നടത്തുവാന്‍ പദ്ധതിയുണ്ട്. ഈ യാഗത്തില്‍ ഓരോ വിശ്വാസിയും നമ്മുടെ ഈ ജന്മത്തെ ധന്യമാക്കുവാന്‍, പൂര്‍ത്തീകരിക്കുവാന്‍, ചരിത്ര പരിവര്‍ത്തനത്തിന്റെ ഭാഗമാകുവാന്‍ ഒരുമിച്ച് ചേര്‍ന്ന് പ്രവര്‍ത്തിക്കണമെന്ന് താത്പര്യപ്പെടുന്നു. 

കൂടുതല്‍ വിവരങ്ങള്‍ക്കും യാഗത്തില്‍ പങ്കെടുക്കുവാനും ശ്രീ. സോമരാജന്‍ നായര്‍ (713 320 9334), ശ്രീ. ജയപ്രകാശ് ബാലകൃഷ്ണന്‍ (630 430 6329) എന്നിവരുമായി ബന്ധപ്പെടുക.