ലോക അഴിമതി വിരുദ്ധ ദിനത്തില് കൈക്കൂലി വാങ്ങുന്നതിനിടെ ഡോക്ടര് പിടിയില്. തൃശൂര് മെഡിക്കല് കോളേജിലാണ് സംഭവം. രോഗിയില് നിന്ന് കൈക്കൂലി വാങ്ങുന്നതിനിടെയാണ് ഡോക്ടര് പിടിയിലായത്. തൃശൂര് മെഡിക്കല് കോളേജ് ആശുപത്രിയിലെ സര്ജന് ഡോ.കെ.ബാലഗോപാല് ആണ് വിജിലന്സിന്റെ പിടിയിലായത്.
കാല്മുട്ട് ശസ്ത്രക്രിയയ്ക്ക് ഇരുപതിനായിരം രൂപ കൈക്കൂലി വാങ്ങുമ്പോഴാണ് വിജിലന്സ് പിടികൂടിയത്.അദ്ദേഹത്തിന്റെ വിയ്യൂരിലെ വസതിയിലായിരുന്നു അറസ്റ്റ്. വിജിലന്സ് ഡിവൈ.എസ്.പി പി.എസ്.സുരേഷും സംഘവുമാണ് ഡോക്ടറെ അറസ്റ്റ് ചെയ്തത്. ഇന്ന് ലോക അഴിമതി വിരുദ്ധ ദിനമാണ്.
ഇദ്ദേഹം കൈക്കൂലി ആവശ്യപ്പെട്ടത് രോഗി വിജിലന്സിനെ അറിയിക്കുകയായിരുന്നു. ഇതേ തുടര്ന്നാണ് വിജിലന്സ് സ്ഥലത്തെത്തുകയും ഡോക്ടറെ അറസ്റ്റ് ചെയ്യുകയും ചെയ്തത്.