എന് എന് ജി ഫിലിംസിന്റെ ബാനറില് നിരുപ് ഗുപ്ത (ചകഞഛഡജ ഏഡജഠഅ) നിര്മ്മിച്ച് ആര് രാധാകൃഷ്ണന് രചനയും സംവിധാനവും നിര്വ്വഹിക്കുന്ന ശ്രീശാന്ത് നായക ബോളീവുഡ് ചിത്രമായ 'പട്ടാ' യില് സണ്ണി ലിയോണും അഭിനയിക്കുന്നു. ഇന്വെസ്റ്റിഗേറ്റീവ് മൂഡില് സഞ്ചരിക്കുന്ന ഒരു പൊളിറ്റിക്കല് ത്രില്ലറാണ് പട്ടാ.
ചിത്രത്തില് ശ്രീശാന്ത് അവതരിപ്പിക്കുന്ന സിബിഐ ഓഫീസറുടെ അന്വേഷണം ചെന്നെത്തുന്നത് സ്ത്രീജനങ്ങള് ഇഷ്ടപ്പെടുന്ന ഒരു വിഷയത്തിലേക്കാണ്. അങ്ങനെയുള്ളൊരു വിഷയം ഒരു സ്ത്രീയിലൂടെ അറിയിച്ചാല് എങ്ങനെയായിരിക്കുമെന്ന സംവിധായകന്റെ ചിന്തയാണ് ലോകപ്രശസ്ത മോഡലും നടിയുമായ സണ്ണി ലിയോണിലേക്കെത്തിച്ചത്. സണ്ണി ലിയോണ് ഇതുവരെ അവതരിപ്പിച്ചിട്ടുള്ള വേഷങ്ങള്ക്കെല്ലാം മുകളില് നില്ക്കുന്ന ഒന്നായിരിക്കും പട്ടായിലെ കഥാപാത്രം. ഒരു ഫീമെയില് ആര്ട്ടിസ്റ്റിന് അവതരിപ്പിക്കാന് റിസ്ക്കുള്ള കഥാപാത്ര മായതുകൊണ്ടുതന്നെ വളരെ സംശയത്തോടെയായിരുന്നു സംവിധായകന് സണ്ണിയെ ചെന്ന് കണ്ടത്. പക്ഷേ കഥാപാത്രത്തെ കുറിച്ച് കേട്ടപാടെ വളരെ ത്രില്ലോടെയായിരുന്നു അതിനെ സ്വീകരിച്ചത്. കഥാപാത്രത്തിനു വേണ്ടുന്ന തയ്യാറെടുപ്പുകളിലേക്ക് ഇതിനോടകം സണ്ണി കടക്കുകയും ചെയ്തു കഴിഞ്ഞു.
ശ്രീശാന്തിനും സണ്ണി ലിയോണിനും പുറമെ ഗുജറാത്തി ഭാഷാ ചലച്ചിത്രങ്ങളിലെ പ്രശസ്തതാരം ബിമല് ത്രിവേദിയും പട്ടായില് അഭിനയിക്കുന്നുണ്ട്.
ബാനര് -എന് എന് ജി ഫിലിംസ്, സംവിധാനം - ആര് രാധാകൃഷ്ണന്, നിര്മ്മാണം - നിരുപ് ഗുപ്ത, ഛായാഗ്രഹണം - പ്രകാശ്കുട്ടി, എഡിറ്റിംഗ് - സുരേഷ് യു ആര് എസ്, സംഗീതം - സുരേഷ് പീറ്റേഴ്സ്, സ്പോട്ട് എഡിറ്റിംഗ് - രതിന് രാധാകൃഷ്ണന്, കോറിയോഗ്രാഫി - ശ്രീധര്, കല-സജയ് മാധവന്, ഡിസൈന്സ് - ഷബീര്, പി ആര് ഓ -അജയ് തുണ്ടത്തില്.