-->

EMALAYALEE SPECIAL

അച്ഛനും ഒരമ്മയാണ് (ധർമ്മരാജ് മടപ്പള്ളി)

Published

on

എത്ര അമ്മമാരാണ് ലോക്ഡൗൺ പൊട്ടിച്ച് പൂത്തുല്ലസിച്ചിങ്ങനെ നിൽക്കണത്! ഞാനാ ഇറഞ്ചെരിവുകളിലൂടെ പലവട്ടം സഞ്ചരിച്ചു. പല അമ്മമാരേയും പലവട്ടം നോക്കി പുഞ്ചിരിച്ചു. ഉമ്മവെക്കാനും തലോടാനും തോന്നുന്നവർ. ഒന്നുരിയാടിപ്പോകൂ... എന്നു കൊതിപ്പിക്കുന്നവർ.
അവരെ ഒന്നാകേ ചേർത്തുപിടിച്ച് ഞാൻ അകത്തേക്കുനോക്കി. എനിക്കകമേ ഏതോ ജൈവത്വരയാലെ വളർന്നു പതുങ്ങിനില്ക്കുന്ന ഞാനെന്ന അമ്മയെ ലാളിച്ചു. ജനിച്ചതുമുതലിങ്ങോട്ട് ഉമ്മുഖുൽസു നേരിട്ട ഒരു കുത്തിവെപ്പിനും സാക്ഷിയാവാൻ കഴിയാതെ സിറിഞ്ചുമുറിയിൽനിന്നും അവളുടെ നിലവിളിയെത്താത്ത  ദൂരത്തോളം വേഗത്തിൽ നടന്നുമാറുന്ന എന്നേ ഓർത്തു. അവളുടെ  കാത്തുകുത്തുംന്നേരം ആ പ്രദേശത്തേ ഉണ്ടായിരുന്നില്ല ഞാൻ. അവളുണർന്നുകരയുന്ന രാവുകളിലൊക്കേയും ആദ്യമെഴുന്നേറ്റ് അവളെ വാരിയെടുത്തു നടക്കാനുള്ളൊരു ത്വര, ഉറങ്ങിയിട്ടും, ഉള്ളുറങ്ങിയില്ലെന്ന് ശങ്കപ്പെട്ട് നീണ്ടുപോകുന്ന കൈത്താളങ്ങൾ...
സ്നാനകേളികൾക്കിടയിലെ ജലചുംബനങ്ങൾ... തീൻകാലങ്ങളിൽ ചോറുരുളകൾക്കുമേലെ ഒരു പൊട്ടുപോലെ വെച്ചുകൊടുക്കുന്ന മീൻനുള്ളുകൾ...
അവളുടെ കുഞ്ഞുടുപ്പുകൾ അലക്കിയിടും നേരത്തെ ഇങ്കുഗന്ധങ്ങൾ...
കണ്ണെഴുതുംനേരം ശ്രദ്ധകൂർപ്പിച്ചുകൂർപ്പിച്ച് ഒരു പിടക്കലിൽ കവിളത്തുപുരളുന്ന കൺമഷി ഏല്പിക്കും നിരാശ... എന്നൊക്കെ എന്തുന്തുവിധം അമ്മത്വം എന്നിലൂടെ കടന്നുപോയി.
പിറവിക്കുംമുന്നേ നീർശയ്യയിൽക്കിടന്ന്
'പൂന്തേൻ നേർമൊഴി...
സഖീഞാൻ വിരഹം കൊണ്ടുവലഞ്ഞിടുന്നേ...' കേൾക്കുമ്പോളൊക്കെ നിറവയറിനുകുറുകേവെച്ച എന്റെ കൈക്കുടന്നയിലേക്ക് നീന്തിയെത്തി നെറുകയാലുള്ള അസാധാരണ ചുംബനങ്ങൾ! ആ ചുംബനങ്ങളുടെ തുടച്ചയെന്നോണം ഇതെഴുതുമ്പോളും ഒളിച്ചുവന്ന് പിൻകഴുത്തിൽ ചേർന്നുള്ള ഇഷ്ടങ്ങളുടെ ഒരു ഫോട്ടോ സ്നാപ്പ്...
ഒരു പെൺകുട്ടി വളർന്നുകൊണ്ടിരിക്കുമ്പോൾ അവളുടെ അച്ഛനുള്ളിലെ അമ്മത്വത്തെ ഞെക്കിക്കൊന്നുകളയേണ്ടുന്ന കാലക്രമത്തിലാണ് നമ്മുടെ ജീവിതം. അച്ഛനാൽ പീഡിപ്പിക്കപ്പെടുന്ന പെൺകുഞ്ഞുങ്ങളേക്കുറിച്ചുള്ള അശാന്തവാർത്തകൾക്കുമുന്നിൽ എത്ര അച്ഛന്മാരുടെ ഉള്ളിലെ അമ്മത്വമാണ് ഗതികെട്ട് ചത്തുമലച്ചത്! അവരുടെ വളർച്ച ദൂരെനിന്നു കാണുവാൻ മാത്രം ഉതകുന്ന വിധിയിൽ നിശബ്ദമായിപ്പോകുന്ന നിരവധിപേരെ എനിക്കറിയാം.
അമ്മ എന്നത് ഒറ്റവാക്കല്ല. അമ്മ എന്ന വാക്കിനു പിന്നാലെ കുഞ്ഞ് എന്നൊരു നിശബ്ദവാക്കുകൂടിയുണ്ട്. അച്ഛൻ എന്നത് പലപ്പോളും അങ്ങിനേയല്ല. അതൊരു ഒറ്റവാക്കാണ് മിക്കപ്പോളും. ആ ഒറ്റയാവലിന്റെ വറുതിയിൽ അയാളുടെ ഉള്ളുലപ്പുകൾ വളരേപ്പെട്ടെന്ന് അയാളിലേക്ക് വാർദ്ധക്യം കൂട്ടിക്കൊണ്ടുവരുന്നുണ്ട്. അമ്മകൂടിയാവുന്ന അച്ഛനാണ് പലപ്പോഴും കുടുതൽക്കാലം ജീവിച്ചിരിക്കുക, മണ്ണിലും മനസ്സിലും.
കുഞ്ഞുങ്ങളൊക്കേയും അമ്മദിനത്തിന് അമ്മമാരുടെ പടങ്ങളിടുമ്പോൾ ആ വീടുകളിലെ അച്ഛന്മാരൊക്കെ എങ്ങുപോയെന്നൊരു സങ്കടത്തെ കോരിയെടുത്തെന്റെ തിണ്ണയിൽ വെക്കുന്നു. മക്കളെ ഓർത്ത് വെന്തുരുകുന്ന നിരവധി ദേശങ്ങളിലെ അപ്പന്മാരും എന്റെ ജീവിതത്തിലൂടെ കടന്നുപോയിട്ടുണ്ട്. നീ തണുക്കരുതെന്ന് കരുതി, കുപ്പായം അഴിച്ചുകൊടുത്ത് സ്വയം തണുത്തവർ. ആ നഗ്നതകൂടിയാണ് അമ്മയുടെ അടയാളം. എന്റെ മകളുടെ അമ്മയും ഞാൻതന്നെയാണെന്നൊരു കുറുമ്പുള്ള ഇഷ്ടം ഞാനവളോട് കാണിക്കുന്നു.
എന്റെ പ്രണയത്തിലും ഞാൻതന്നെയായിരുന്നു സ്ത്രീ. അത്രക്ക് ശരിയോടെ ഉൾക്കൊള്ളുക എന്നതിന് പെൺമയോളം നിറവ് മറ്റൊന്നിലുമില്ല. അതുതിരിച്ചറിഞ്ഞാൽ ഏതൊരച്ഛനും അമ്മയാവാൻ എളുപ്പമാണ്.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

വികസനമല്ല ലക്ഷ്യം അവിടുത്തെ മനുഷ്യരാണ് (ലക്ഷദ്വീപിന് രക്ഷ വേണം) - ജോബി ബേബി ,നഴ്‌സ്‌, കുവൈറ്റ്

കരുണ അര്‍ഹിക്കാത്ത ഒരമ്മ (സാം നിലമ്പള്ളില്‍)

ജോയിച്ചന്‍ പുതുക്കുളം - ഒരു തിരിഞ്ഞുനോട്ടം (തോമസ് കൂവള്ളൂര്‍)

ഓൺലൈൻ പഠനത്തിന് പുതിയ ചുവടുവയ്പുമായി ഡോ. റോസമ്മ ഫിലിപ്പ് : സിൽജി.ജെ. ടോം

വെൺമേഘക്കീറുകൾ വകഞ്ഞു മാറ്റി അവൾ വരുന്നു (ഏഷ്യയിൽ നിന്ന് ആഫ്രിക്കയിലേക്ക് - 12: ജിഷ.യു.സി)

'പുണ്യാളച്ചാ, കോഴിപറന്നുപോയി... എന്നോടു പെണങ്ങല്ലേ. പാമ്പിനെ വിട്ടു ഞങ്ങളെ പേടിപ്പിക്കല്ലേ...'

മഹാനടൻ സത്യൻ ഓർമ്മയായിട്ട് അര  നൂറ്റാണ്ട് (റജി നന്തികാട്ട്)

പല്ലു० കീരിയു० (ബാല്യകാല സ്മരണകൾ 4: ഗിരിജ ഉദയൻ മുന്നൂർക്കോട്)

കാലത്തിന്റെ വേഷപ്പകര്‍ച്ച (മേരി എം. കല്ലുകളം)

സെമി ബുള്ളറ്റ് ട്രെയിന്‍ 25ല്‍ ഓടുമെന്ന് അജിത്, മലബാര്‍-തിരു നാലു മണിക്കൂര്‍ (കുര്യന്‍ പാമ്പാടി)

ഔപചാരികതകളില്ലാത്ത സനൃാസം (ഗീത രാജീവ്)

വിനാശകരമായ ഏഴ് പാപങ്ങള്‍ (Seven Deadly Sins): സാം നിലമ്പള്ളില്‍

ആരാണ്‌ ലക്ഷദ്വീപിനെ രക്ഷിക്കേണ്ടത്? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ 83)

പ്രകൃതി എത്ര സുന്ദരം! (ഫ്‌ളോറിഡാക്കുറിപ്പുകള്‍-2: സരോജ വര്‍ഗ്ഗീസ്, ഫ്‌ളോറിഡ)

സ്റ്റേ അറ്റ് ഹോം ലംഘിച്ചതാര് ? (ജോര്‍ജ് തുമ്പയില്‍)

സ്റ്റീവൻ ഓലിക്കര വിസ്കോൺസിനിൽ നിന്ന് യു.എസ. സെനറ്റിലേക്ക് മത്സരിക്കാൻ സാധ്യത തേടുന്നു

വെളിച്ചമില്ലാതെ ഉയിർക്കുന്ന നിഴലുകൾ! (മൃദുമൊഴി-12: മൃദുല രാമചന്ദ്രൻ)

വാക്‌സീന്‍ നയത്തില്‍ മോദിയുടെ മലക്കം മറിച്ചിലും കോടതി ഇടപെടലും പതിനായിരങ്ങളുടെ മരണവും (ദല്‍ഹികത്ത്: പി.വി. തോമസ്)

ന്യു യോർക്ക് പോലീസിൽ ആദ്യ ഇന്ത്യൻ ഡെപ്യുട്ടി ഇൻസ്പെക്ടറായി ക്യാപ്റ്റൻ ലിജു തോട്ടം നിയമിതനായി 

നേഹ ചെമ്മണ്ണൂർ: കാനഡയിൽ നിന്നൊരു നക്ഷത്രം  (അനിൽ പെണ്ണുക്കര)

സിൻഡ്രല്ല (അംബിക മേനോൻ, മിന്നാമിന്നികൾ - 4)

വായനകൊണ്ട് പൂരിപ്പിക്കേണ്ട ഒരു ജിഗ്സോ പസിൽ (ഡോ. സ്വപ്ന സി. കോമ്പാത്ത്, ദിനസരി -32)

അച്ഛന്റെ വിശ്വാസങ്ങൾ (രാജൻ കിണറ്റിങ്കര)

ക്രൈസ്തവ നേതാക്കൾ എവിടാരുന്നു ഇതുവരെ... (ഉയരുന്ന ശബ്ദം-37: ജോളി അടിമത്ര)

ആ കലവറ അടച്ചു; സേവനത്തിനു പുതിയ മാതൃകയായി സെന്റ് സ്റ്റീഫൻസ് മാർത്തോമ്മാ ചർച്ച്

കെ പി സി സിയുടെ അമരത്ത് ഇനി 'കെ.എസ്': കണ്ണൂരിന്റെ സ്വന്തം പോരാളി (സിൽജി ജെ ടോം)

നൂറിന്റെ നിറവിൽ പത്മഭൂഷൻ പി.കെ വാര്യർ (യു.എ നസീർ, ന്യൂയോർക്ക്)

ഒറ്റപ്പാലം ബസ്സ് താവളം (ശങ്കർ ഒറ്റപ്പാലം)

പ്രസംഗകല -സുകുമാര്‍ അഴീക്കോട് സമാഹരണവും പഠനവും (അവസാന ഭാഗം ഡോ. പോള്‍ മണലില്‍)

ചൈനയുടെ സിനോഫാം കോവിഡ് -19 വാക്‌സിന്റെ ഫലപ്രാപ്തി സംശയത്തില്‍(കോര ചെറിയാന്‍)

View More