ബെര്ലിന് ഇന്ഡീ ഫിലിം ഫെസ്റ്റിവലില് മികച്ച നടനുള്ള പുരസ്കാരം മാനവ് സ്വന്തമാക്കി. ഇരുമ്പു എന്ന സാമൂഹിക പ്രസക്തിയുള്ള ചിത്രത്തിലെ പ്രകടനത്തിനാണ് മാനവ് അവാര്ഡ് കരസ്ഥമാക്കിയത്. നിതിന് നാരായണന് രചിച് പ്രതീഷ് ഉണ്ണികൃഷ്ണന് സംവിധാനം ചെയ്ത പ്രസ്തുത ചിത്രത്തിന്റെ ക്യാമറ കൈകാര്യം ചെയ്യുന്നത് ആനന്ദ് കൃഷ്ണയാണ്.
അതേസമയം ഇതാദ്യമായല്ല മാനവിനെത്തേടി പുരസ്കാരങ്ങളെത്തുന്നത്. 2020ല് താരത്തെ തേടിയെത്തിയത് മികച്ച നടനുള്ള 4 പുരസ്കാരങ്ങളായിരുന്നു. തന്റെ 2 പെണ്മക്കളെ ക്രൂരമായി പീഡിപ്പിച്ചു കൊലപ്പെടുത്തിയ കുറ്റവാളികളെ നീതിപീഡം ശിക്ഷിക്കാന് മടിച്ചു നിന്നപ്പോള് ഒരച്ഛന്റെ നീറുന്ന മനസുമായി വിധി സ്വയം നടപ്പിലാക്കുന്ന ആന്റണി എന്ന കഥാപാത്രത്തെയാണ് മാനവ് ഇരുമ്പില് അവതരിപ്പിച്ചത്. ആന്റണിയുടെ വൈകാരിക അവസ്ഥയെ കേന്ദ്രീകരിച്ചായിരുന്നു സിനിമ.