അനധികൃതസ്വത്ത്: കുഞ്ഞാലിക്കുട്ടിക്കെതിരെ വിജിലന്സ് അന്വേഷണം
Published on 12 August, 2011
കോഴിക്കോട്: അനധികൃതസ്വത്ത് സമ്പാദിച്ചുവെന്ന പരാതിയുടെ അടിസ്ഥാനത്തില്
വ്യവസായ മന്ത്രി പി.കെ കുഞ്ഞാലിക്കുട്ടിക്കെതിരെ വിജിലന്സ് അന്വേഷണം
ആരംഭിച്ചു. നാഷണല് സെക്യുലര് കോണ്ഫറന്സ് നേതാവ് എന്.കെ.അബ്ദുല് അസീസ്
നല്കിയ പരാതിയുടെ അടിസ്ഥാനത്തിലാണ് അന്വേഷണം.
മകന്റെ പേരില് ഖത്തറില് 450 കോടി രൂപ മുതല്മുടക്കില് സ്റ്റീല് ഫാക്ടറി
സ്ഥാപിച്ചതുള്പ്പെടെയുള്ള പരാതികളുടെ അടിസ്ഥാനത്തിലാണ് അന്വേഷണം. കഴിഞ്ഞ
യുഡിഎഫ് ഭരണകാലത്ത് വ്യവസായമന്ത്രിയായിരിക്കെ പൊതുമേഖലാസ്ഥാപനങ്ങള്
ഉപയോഗപ്പെടുത്തി വന്അഴിമതി നടത്തിയതായും ബിനാമി സ്ഥാപനങ്ങളില് ഭീമമായ തുക
മുടക്കിയതായും കാണിച്ച് അസീസ് നേരത്തെ തന്നെ പരാതി നല്കിയിരുന്നു.
കുഞ്ഞാലിക്കുട്ടിയുടെയും കുടുംബത്തിന്റെയും ആസ്തി സംബന്ധിച്ച് വിശദമായ
അന്വേഷണം വേണമെന്നും അസീസ് പരാതിയില് പറയുന്നു. കുഞ്ഞാലിക്കുട്ടിക്കും
മുന്മന്ത്രിമാരായ ഇ ടി മുഹമ്മദ്ബഷീറിനും ചെര്ക്കളം അബ്ദുള്ളയ്ക്കും എതിരെ
മുന് മന്ത്രിയും കോണ്ഗ്രസ് നേതാവുമായ ആര്യാടന് മുഹമ്മദ് നേരത്തേ
ആരോപണങ്ങളുന്നയിച്ച കാര്യം അബ്ദുള് അസീസിന്റെ പരാതിയില് പറഞ്ഞിട്ടുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല