നിധി സജേഷിന്റെ പുതിയ ഗാനം പുറത്തിറങ്ങി

EUROPE 23-Dec-2020

ഡബ്ലിന്‍ : അയര്‍ലണ്ടില്‍ നിന്നുള്ള നിധി സജേഷ് ആലപിച്ച ' ചെണ്ടോ ചെന്താമര' എന്ന് തുടങ്ങുന്ന ഗാനം പുറത്തിറങ്ങി . 4 മ്യൂസിക്സിന്റെ ഒറിജിനല്‍ സിരീസ് ആയ ''മ്യൂസിക് മഗ്ഗി''ല്‍ 4 മ്യൂസിക്സിലെ തന്നെ ബിബിയും എല്‍ദോസും ചേര്‍ന്നെഴുതിയ ഗാനമാണിത് .

അയര്‍ലന്‍ഡ് മലയാളികളായ സജേഷ് സുദര്‍ശനന്റെയും സൗമ്യ സജേഷിന്റെയും മക്കളായ നിധിയും അതിഥിയുമാണ് ഗാനത്തില്‍ അഭിനയിചിരിക്കുന്നത്. അയര്‍ലണ്ടിലെ മനോഹരമായ പാര്‍ക്കുകളും കുട്ടിക്കുറുമ്പുകളും പശ്ചാത്തലത്തില്‍ നിറഞ്ഞ മ്യൂസിക് ആല്‍ബത്തിന്റെ സംവിധാനം നിര്‍വഹിച്ചിരിക്കുന്നതും 4 മ്യൂസിക്‌സ് ആണ്. മ്യൂസിക് 24 7 ചാനലിലൂടെ ആണ് ഈ ഗാനം റീലീസ് ആയിരിക്കുന്നത്.

4 മ്യൂസിക്സിന്റെ ഒറിജിനല്‍ സിരീസ് ആയ ''മ്യൂസിക് മഗ്ഗി''ന്റെ അയര്‍ലണ്ട് എപ്പിസോഡിലൂടെയാണ് നിധി സജേഷിനെ 4 മ്യൂസിക്‌സ് കണ്ടെത്തിയത്.

അയര്‍ലന്‍ഡില്‍ നിന്നുള്ള19 പുതിയ സിംഗേഴ്‌സിനെയാണ് 4 മ്യൂസിക്‌സ് ''മ്യൂസിക് മഗ്ഗി''ലൂടെ സംഗീതലോകത്തിന് പരിചയപ്പെടുത്തുന്നത്..16 പുതിയ ഗാനങ്ങളില്‍ 4 എണ്ണം ഇതിനുമുന്‍പ് റീലീസ് ആയിട്ടുണ്ട്.

മ്യൂസിക് മഗ്ഗിലെ ഇനിയുള്ള ഗാനങ്ങള്‍ ഉടന്‍ തന്നെ റിലീസിനൊരുങ്ങുകയാണ്. ഗ്ലോബല്‍ മ്യൂസിക് പ്രൊഡക്ഷന്‍ ആണ് 'മ്യൂസിക് മഗ്' എന്ന പ്രോഗ്രാം അയര്‍ലണ്ടില്‍ പരിചയപ്പെടുത്തുന്നത്.

റിപ്പോര്‍ട്ട്: ജെയ്‌സണ്‍ കിഴക്കയില്‍