Image

നാലുവര്‍ഷമായി വിഷാദത്തിനു ചികിത്സയിലെന്ന് ആമിര്‍ഖാന്റെ മകള്‍ ഇറാഖാന്‍

Published on 11 October, 2020
നാലുവര്‍ഷമായി വിഷാദത്തിനു ചികിത്സയിലെന്ന് ആമിര്‍ഖാന്റെ മകള്‍ ഇറാഖാന്‍

കഴിഞ്ഞ നാല് വര്‍ഷമായി വിഷാദത്തിനു ചികിത്സയിലാണെന്നു ബോളിവുഡിലെ പ്രിയതാരം ആമിര്‍ഖാന്റെ മകള്‍ ഇറ ഖാന്‍. ലോക മാനസികാരോഗ്യ ദിനത്തില്‍ ഇന്‍സ്റ്റഗ്രാമില്‍ പോസ്റ്റ് ചെയ്ത വീഡിയോയിലൂടെയാണ് ഇറയുടെ വെളിപ്പെടുത്തല്‍.


ഒരു ഡോക്ററുടെ ചികിത്സ തേടിയതിനെക്കുറിച്ചും താരം സമൂഹ മാധ്യമത്തില്‍ പങ്കുവച്ച വീഡിയോയില്‍ പറയുന്നു. താരത്തിന്റെ വാക്കുകള്‍ ഇങ്ങനെ .. 'ഹായ്, ഞാന്‍ വിഷാദത്തിലാണ്. ഇപ്പോള്‍ നാല് വര്‍ഷത്തിലേറെയായി. ഞാന്‍ ഒരു ഡോക്ടറുടെ അടുത്ത് പോയി. ഞാന്‍ ക്ലിനിക്കലായി ഡിപ്രസ്ഡ് ആണെന്ന് അദ്ദേഹം പറഞ്ഞു. 


ഇപ്പോള്‍ എനിക്ക് നല്ല വ്യത്യാസമുണ്ട്. മാനസികാരോഗ്യത്തെ സംബന്ധിച്ച്‌ എന്തെങ്കിലും ചെയ്യണമെന്ന് കഴിഞ്ഞ ഒരു വര്‍ഷത്തോളമായി ഞാന്‍ ആഗ്രഹിക്കുന്നു. എന്തു ചെയ്യാനാകുമെന്ന് എനിക്കറിയില്ല.


ഞാന്‍ നിങ്ങളെ ഒരു യാത്രയിലേക്ക് കൊണ്ടുപോകാന്‍ തീരുമാനിച്ചു - എന്റെ യാത്ര - എന്താണ് സംഭവിക്കുന്നതെന്ന് കാണുക. നമുക്ക് നമ്മുടെ മാനസികാരോഗ്യത്തെ കുറിച്ച്‌ കൂടുതല്‍ മനസിലാക്കാനും ഡിപ്രഷന്‍ എന്തെന്ന് അറിയാനും സാധിക്കുമെന്ന് പ്രതീക്ഷിക്കുന്നു. എനിക്ക് പറയാന്‍ ഒരുപാട് കാര്യങ്ങളുണ്ട്. പക്ഷെ എന്തിന് പറയണം, ഞാന്‍ എന്തിനാണിത് ചെയ്യുന്നത്,' ഇറ വീഡിയോയില്‍ പറയുന്നു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക