കുവൈറ്റ് സിറ്റി : ഡ്രൈവിംഗ് ലൈസന്സുകള് അനുവദിക്കുന്നതില് കര്ശന നിയന്ത്രണം ഏര്പ്പെടുത്തി ആഭ്യന്തര മന്ത്രാലയം പുതിയ ഉത്തരവിറക്കി. പുതിയ സര്ക്കുലര് പ്രകാരം ആരോഗ്യ മന്ത്രാലയത്തിലേയും സ്വകാര്യ സ്ഥാപനങ്ങളിലേയും നഴ്സുമാര് , സ്വകാര്യ സര്വകലാശാലകളിലെ വിദേശികളായ വിദ്യാര്ഥികള് തുടങ്ങിയവര്ക്ക് പുതുതായി ഡ്രൈവിംഗ് ലൈസന്സ് അനുവദിക്കുന്നത് ഇനി ഒരു അറിയിപ്പ് ഉണ്ടാകുന്നതുവരെ നിര്ത്തിവച്ചതായി അധികൃതര് അറിയിച്ചു.
ഇതു സംബന്ധിച്ച് മന്ത്രിസഭ നേരത്തെ പുറപ്പെടുവിച്ച 270/ 2020 തീരുമാനമാണു പ്രാബല്യത്തില് വരുത്തിയിരിക്കുന്നതെന്ന് ഗതാഗത വിഭാഗം അസിസ്റ്റന്റ് അണ്ടര് സെക്രട്ടറി ജമാല് അല് സായെഗ് വ്യക്തമാക്കി.
റിപ്പോര്ട്ട്: സലിം കോട്ടയില്