ദൃശ്യം 2ല് മോഹന്ലാല് പകുതി ശമ്ബളം മാത്രമാണ് വാങ്ങുന്നതെന്ന് പ്രൊഡ്യൂസേഴ്സ് അസോസിയേഷന്. കോവിഡിന്റെ പശ്ചാത്തലത്തില് നിശ്ചലമായ സിനിമ മേഖലയെ മുന്നോട്ട് എത്തിക്കാന് താരങ്ങള് പ്രതിഫലം കുറയ്ക്കാന് തയാറാകണമെന്ന് നിര്മാതാക്കളുടെ സംഘടന നേരത്തെ ആവശ്യപ്പെട്ടിരുന്നു.
ഈ സാഹചര്യത്തിലാണ് സിനിമ വ്യവസായത്തിന് മാതൃകയായി മോഹന്ലാലിന്റെ തീരുമാനം. ആന്റണി പെരുമ്ബാവൂര് എന്ന നിര്മാതാവിന്റെ നിര്ണായക നീക്കങ്ങളിലൊന്നാണു ദൃശ്യം 2 ഷൂട്ട് ചെയ്യാനുള്ള തീരുമാനമെന്ന് മോഹന്ലാല് പറഞ്ഞു.
അതേസമയം താരങ്ങള് പ്രതിഫലം കുറയ്ക്കാത്തതിനെ തുടര്ന്ന് രണ്ടു ചിത്രങ്ങള്ക്ക് പ്രൊഡ്യൂസേഴ്സ് അസോസിയേഷന് അനുമതി നിഷേധിച്ചു എന്ന വാര്ത്തയും പുറത്ത് വന്നിരുന്നു. ടൊവിനോ തോമസ്, ജോജു ജോര്ജ് എന്നിവര് കേന്ദ്ര കഥാപാത്രങ്ങളാകുന്ന ചിത്രങ്ങള്ക്കാണ് അംഗീകാരം നല്കാതിരുന്നത്. ഇരുവരും കൂടുതല് പ്രതിഫലം ആവശ്യപ്പെട്ട സാഹചര്യത്തിലാണ് നിര്മാതാക്കളുടെ തീരുമാനം.