Image

നടി പായല്‍ ഘോഷ്ന്റെ പരാതിയില്‍ സംവിധായകന്‍ അനുരാഗ് കശ്യപിനെതിരെ ബലാത്സംഗ കുറ്റത്തിന് കേസ് രജിസ്റ്റര്‍ ചെയ്തു

Published on 23 September, 2020
നടി പായല്‍ ഘോഷ്ന്റെ  പരാതിയില്‍ സംവിധായകന്‍ അനുരാഗ് കശ്യപിനെതിരെ ബലാത്സംഗ കുറ്റത്തിന് കേസ് രജിസ്റ്റര്‍ ചെയ്തു

മുംബൈ: ചലച്ചിത്ര സംവിധായകന്‍ അനുരാഗ് കശ്യപിനെതിരെ ബലാത്സംഗക്കുറ്റം ചുമത്തി കേസ് രജിസ്റ്റര്‍ ചെയ്തു. തന്നോട് വഴങ്ങി തരാന്‍ കശ്യപ് നിര്‍ബന്ധിച്ചുവെന്ന് ട്വീറ്റില്‍ നടി പായല്‍ ഘോഷ് ആരോപിച്ചു. എന്നാല്‍ തനിക്കെതിരെ വന്ന ആരോപണങ്ങള്‍ അടിസ്ഥാനരഹിതമാണെന്ന് പറഞ്ഞു കശ്യപ് തള്ളിക്കളഞ്ഞു.


സംവിധായകന് പിന്തുണയുമായി മുന്‍ ഭാര്യ കല്‍ക്കി കൊച്ച്‌ലിന്‍ ഉള്‍പ്പെടെ നിരവധി താരങ്ങള്‍ രംഗത്തെത്തി.

ഇന്നലെ രാത്രി നടിയും അഭിഭാഷകന്‍ നിതിന്‍ സത്പുട്ടും വെര്‍സോവ പോലീസ് സ്റ്റേഷനിലെത്തിയാണ് നിര്‍മാതാവും സംവിധായകനും മനടനുമായ അനുരാഗ് കശ്യപിനെതിരെ ബലാത്സംഗ കേസ് ഫയല്‍ ചെയ്തതെന്ന് മുംബൈ പോലീസ് പറഞ്ഞു. 


2013 ല്‍ വെര്‍സോവയിലെ യാരി റോഡിലുള്ള സ്ഥലത്ത് വച്ച്‌ കശ്യപ് തന്നെ ബലാത്സംഗം ചെയ്തുവെന്ന് യുവതിയുടെ മൊഴി രേഖപ്പെടുത്തിയിട്ടുണ്ട്.


ഇതുമായി ബന്ധപ്പെട്ട് ചലച്ചിത്രകാരനെ ചോദ്യം ചെയ്യാന്‍ വിളിക്കുമെന്ന് പോലീസ് ഉദ്യോഗസ്ഥര്‍ വാര്‍ത്താ ഏജന്‍സിയായ പി.ടി.ഐയോട് പറഞ്ഞു. കശ്യപിനെതിരെ നടപടിയെടുക്കണമെന്ന് ആവശ്യപ്പെട്ട് നടി പ്രധാനമന്ത്രിയുടെ ഓഫീസില്‍ ടാഗ് ചെയ്തതിനെത്തുടര്‍ന്ന് ദേശീയ വനിതാ കമ്മീഷന്‍ മേധാവി രേഖ ശര്‍മ പ്രതികരിച്ചിരുന്നു.


ഹിന്ദി ട്വീറ്റുകളുടെ ഒരു പരമ്ബരയില്‍, കശ്യപിനെ നിശബ്ദനാക്കാനുള്ള ശ്രമമാണെന്ന് പറഞ്ഞിരുന്നു, പിന്നീട് തെറ്റായ ആരോപണങ്ങളില്‍ തനിക്ക് വല്ലാത്ത വേദനയുണ്ടെന്നും അത് തെറ്റായ, സത്യസന്ധമല്ലാത്ത ആരോപണമാണെന്നും തന്റെ അഭിഭാഷകന്‍ പ്രിയങ്ക ഖിമാനി വഴി പ്രസ്താവന ഇറക്കി. ' ഈ വിഷയത്തില്‍ നിയമനടപടി സ്വീകരിക്കുമെന്നും അദ്ദേഹം വ്യക്തമാക്കി.


തനിക്കെതിരായ ആരോപണങ്ങള്‍ കഴിഞ്ഞ വര്‍ഷം സിനിമാ മേഖലയെ ബാധിച്ച #MeToo പ്രസ്ഥാനത്തിന്റെ ഗൗരവത്തെ തകര്‍ക്കുന്നുവെന്ന് കശ്യപ് പ്രസ്താവനയില്‍ പറഞ്ഞു. 



മുന്‍ ഭാര്യമാരായ കല്‍ക്കി കൊച്ച്‌ലിന്‍, ആരതി ബജാജ് എന്നിവരുള്‍പ്പെടെ നിരവധി ബോളിവുഡ് താരങ്ങളുടെ പിന്തുണ കശ്യപിന് ലഭിച്ചിട്ടുണ്ട്. 

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക