ഒമാനിൽ തിരുവനന്തപുരം സ്വദേശി കോവിഡ് ബാധിച്ച് മരിച്ചു

മസ്കറ്റ്: തിരുവനന്തപുരം വാമനപുരം പുളിമാത്ത് സ്വദേശി വിജയകുമാർ പിള്ള (51) ഒമാനിൽ കോവിഡ് ബാധിച്ച് മരിച്ചു.

ശ്വാസതടസ്സത്തെ തുടർന്ന് കഴിഞ്ഞ 25-ന് മസ്കറ്റിലെ അൽ ഗോബ്രയിലെ സ്വകാര്യ ആശുപത്രിയിൽ പ്രവേശിപ്പിച്ചിരുന്നു.

ഇന്നലെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും . ബുധനാഴ്ച പുലർച്ചയോടെ അന്ത്യം സംഭവിക്കുകയായിരുന്നു.

വിജയകുമാർ കഴിഞ്ഞ 20 വർഷമായി ഒമാനിലുള്ള ഷഫാൻ ട്രേഡിംഗ് എന്ന സ്ഥാപനത്തിൽ ജോലി ചെയ്ത് വരികയായിരുന്നു.

കുടുംബം മസ്കറ്റിലുണ്ട്. ഭാര്യ സജിത, മക്കൾ: അചിന്ത്, ആദിത്യ,

നടപടിക്രമങ്ങൾ പൂർത്തിയാക്കി മൃതദേഹം ഒമാനിൽത്തന്നെ സംസ്കരിക്കും.

ഒമാനിൽ കോവിഡ് ബാധിച്ച് മരണപ്പെടുന്ന പതിനാറ്മത്തെ  മലയാളിയാണ്. 