മലയാളത്തിലെ മികച്ച നടിമാരില് ഒരാളാണ് ശ്രിന്ദ. കോമഡിയടക്കം എന്തും വഴങ്ങുന്ന നടി. സോഷ്യല് മീഡിയയിലും വളരെയധികം ആക്ടീവാണ് ശ്രിന്ദ. താരം സോഷ്യല് മീഡിയയിലൂടെ പങ്കുവയ്ക്കുന്ന ചിത്രങ്ങള് വൈറലായി മാറാറുണ്ട്. ബോള്ഡ് ലുക്കിലുള്ള ഫോട്ടോഷൂട്ടുകളിലൂടേയും മറ്റും ശ്രിന്ദ ആരാധകരുടെ കൈയ്യടി നേടാറുണ്ട്. സിനിമയില് ശ്രിന്ദ ചെയ്തിരിക്കുന്നതില് കൂടുതലും നാടന് വേഷങ്ങളാണ്. എന്നാല് സോഷ്യല് മീഡിയയില് ഗ്ലാമര് ലുക്കിലും സ്റ്റൈലിഷ് വേഷങ്ങളിലുമെല്ലാം എത്തി താരം ശ്രദ്ധ നേടാറുണ്ട്. ഇപ്പോഴിതാ ശ്രിന്ദ പങ്കുവച്ച പുതിയ ചിത്രവും സോഷ്യല് മീഡിയയില് വൈറലാവുകയാണ്. ശ്രിന്ദയുടെ വസ്ത്രമാണ് ചര്ച്ചയുടെ കാരണം.
മുണ്ടുടുത്താണ് ശ്രിന്ദ എത്തിയിരിക്കുന്നത്. ചുവന്ന നിറത്തിലുള്ള മുണ്ടും ഗ്രേ ടീഷര്ട്ടുമാണ് താരത്തിന്റെ വേഷം. കടക്കരയില് നില്ക്കുകയാണ് ചിത്രത്തില് ശ്രിന്ദ. ലോക സമുദ്ര ദിനത്തെ കുറിച്ചുള്ള പോസ്റ്റിലാണ് താരം ചിത്രം പങ്കുവച്ചത്. ചിത്രവും ശ്രിന്ദയും കൈയ്യടി നേടുന്നുണ്ട്. ഇതിനിടെ ചില ആരാധകര് രസകരമായ കണ്ടെത്തലുകളുമായെത്തിയിട്ടുണ്ട്. ശ്രിന്ദ ധരിച്ചിരിക്കുന്ന ചുവന്ന മുണ്ട് ഷാജി പാപ്പന്റെ ആണോ എന്നാണ് ആരാധകര് ചോദിക്കുന്നത്.
ആട് ഒരു ഭീകരജീവിയിലൂടെ പ്രശസ്തമായതാണ് ചുവന്ന മുണ്ട്. ചിത്രത്തില് ശ്രിന്ദ അവതരിപ്പിച്ച കഥാപാത്രം ഷാജി പാപ്പന്റെ മാലയും എടുത്തു കൊണ്ട് പോകുന്നുണ്ട്. അക്കൂട്ടത്തില് പാപ്പന്റെ മുണ്ടും എടുത്തോ എന്നാണ് ആരാധകര് ചോദിക്കുന്നത്.