തിരുവനന്തപുരം: സംസ്ഥാനത്ത് ഇന്നും കൊവിഡ് രോഗബാധ ഉയര്ന്ന നിരക്കില്. ഇന്ന് 108 പേര്ക്ക് കൊവിഡ് സ്ഥിരീകരിച്ചു. കൊല്ലം ജില്ലയിലാണ് ഏറ്റവുമധികം കൊവിഡ് ബാധിതര്, 19 പേര്. തൃശൂര് ജില്ലയില് 16, കണ്ണൂരില് 12, പാലക്കാട് 11, കാസര്ഗോഡ് 10, പത്തനംതിട്ട 9, ആലപ്പുഴ, കോഴിക്കോട് ജില്ലകളില് നാല്, തിരുവനന്തപുരം, ഇടുക്കി, എറണാകുളം ജില്ലകളില് 3 , കോട്ടയം ജില്ലയില് രണ്ട് എന്നിങ്ങനെയാണ് കൊവിഡ് ബാധിതരുടെ ജില്ല തിരിച്ചുള്ള കണക്ക്.
പുതുതായി രോഗം സ്ഥിരീകരിച്ചവരില് 64 പേര് വിദേശരാജ്യങ്ങളില് നിന്ന് വന്നവരാണ്. യു.എ.ഇ 28, കുവൈറ്റ് 14, താജിക്കിസ്ഥാന് 13, സൗദി 4, നൈജീരിയ 3, ഒമാന് 1, അയര്ലന്ഡ് 1 എന്നിങ്ങനെയാണ് വിദേശങ്ങളില് നിന്ന് വന്നവരുടെ കണക്ക്. മറ്റ് സംസ്ഥാനങ്ങളില് നിന്ന് വന്ന 34 പേര്ക്കും കൊവിഡ് സ്ഥിരീകരിച്ചിട്ടുണ്ട്. പാലക്കാട് ജില്ലയില് കൊവിഡ് സ്ഥിരീകരിച്ച 10ല് ഏഴ് പേര്ക്കും മലപ്പുറം ജില്ലയിലെ രണ്ട് പേര്ക്കും തൃശൂര് ജില്ലയിലെ ഒരാള്ക്കും സമ്പര്ക്കത്തിലൂടെയാണ് രോഗം പകര്ന്നത്.
രോഗികളുടെ എണ്ണം കൂടുന്ന സാഹചര്യത്തില് സംസ്ഥാനത്തെ ഹോട്ട്സ്പോട്ടുകളുടെ എണ്ണവും വര്ദ്ധിച്ചു. ഇന്ന് പുതുതായി 10 സ്ഥലങ്ങള് ഹോട്ട്സ്പോട്ടുകളുടെ പട്ടികയില് ഉള്പ്പെടുത്തി. പാലക്കാട് ജില്ലയിലെ പുതുപ്പരിയാരം, കണ്ണാടി, വണ്ടാഴി, വടക്കാഞ്ചേരി, പൂക്കോട്ടുകാവ്, തെങ്കര, പിരായിരി, കൊല്ലങ്കോട്, കൊല്ലം ജില്ലയിലെ നീണ്ടകര, കോഴിക്കോട് ജില്ലയിലെ ഒളവണ്ണ എന്നിവയാണ് പുതിയ ഹോട്ട്സ്പോട്ടുകള്. ഇന്ന് 50 പേര്ക്ക് രോഗം ഭേദമായി.
മുഖ്യമന്ത്രിയുടെ ഫെയ്സ്ബുക്ക് കുറിപ്പ്
സംസ്ഥാനത്ത് ഇന്ന് 108 പേര്ക്ക് കോവിഡ്-19 സ്ഥിരീകരിച്ചു. കൊല്ലം ജില്ലയില് നിന്നുള്ള 19 പേര്ക്കും തൃശൂര് ജില്ലയില് നിന്നുള്ള 16 പേര്ക്കും മലപ്പുറം, കണ്ണൂര് ജില്ലകളില് നിന്നുള്ള 12 പേര്ക്ക് വീതവും പാലക്കാട് ജില്ലയില് നിന്നുള്ള 11 പേര്ക്കും കാസര്ഗോഡ് ജില്ലയില് നിന്നുള്ള 10 പേര്ക്കും പത്തനംതിട്ട ജില്ലയില് നിന്നുള്ള 9 പേര്ക്കും ആലപ്പുഴ, കോഴിക്കോട് ജില്ലകളില് നിന്നുള്ള 4 പേര്ക്ക് വീതവും തിരുവനന്തപുരം, ഇടുക്കി, എറണാകുളം ജില്ലകളില് നിന്നുള്ള 3 പേര്ക്ക് വീതവും കോട്ടയം ജില്ലയില് നിന്നുള്ള 2 പേര്ക്കുമാണ് രോഗം സ്ഥിരീകരിച്ചത്. ഇതില് 64 പേര് വിദേശ രാജ്യങ്ങളില് നിന്നും (യു.എ.ഇ.- 28, കുവൈറ്റ്-14, താജിക്കിസ്ഥാന്-13, സൗദി അറേബ്യ-4, നൈജീരിയ-3, ഒമാന്-1, അയര്ലാന്റ്-1) 34 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-15, ഡല്ഹി-8, തമിഴ്നാട്-5, ഗുജറാത്ത്-4, മധ്യപ്രദേശ്-1, ആന്ധ്രാപ്രദേശ് -1) വന്നതാണ്. സമ്പര്ക്കത്തിലൂടെ 10 പേര്ക്കാണ് രോഗം ബാധിച്ചത്. പാലക്കാട് ജില്ലയിലെ 7 പേര്ക്കും മലപ്പുറം ജില്ലയിലെ 2 പേര്ക്കും തൃശൂര് ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗമുണ്ടായത്.
രോഗം സ്ഥിരീകരിച്ച് മലപ്പുറം ജില്ലയില് ചികിത്സയിലായിരുന്ന പരപ്പനങ്ങാടി സ്വദേശി ഹംസകോയ (61) ഇന്ന് രാവിലെ മരണമടഞ്ഞു.
രോഗം സ്ഥിരികരിച്ച് ചികിത്സയിലായിരുന്ന 50 പേരുടെ പരിശോധനാഫലം നെഗറ്റീവ് ആയി. പാലക്കാട് ജില്ലയില് നിന്നുള്ള 30 പേരുടെയും കോഴിക്കോട് ജില്ലയില് നിന്നുള്ള 7 പേരുടെയും (6 എയര് ഇന്ത്യ ജീവനക്കാര്), എറണാകുളം ജില്ലയില് നിന്നുള്ള 6 പേരുടെയും (രണ്ട് കൊല്ലം സ്വദേശികള്), കണ്ണൂര് ജില്ലയില് നിന്നുള്ള 5 പേരുടെയും ഇടുക്കി, കാസര്ഗോഡ് ജില്ലകളില് നിന്നുള്ള ഓരോരുത്തരുടെ വീതവുമാണ് പരിശോധനാഫലം നെഗറ്റീവ് ആയത്.
1029 പേരാണ് രോഗം സ്ഥിരീകരിച്ച് ചികിത്സയിലുള്ളത്. 762 പേര് കോവിഡ് മുക്തരായി.
എയര്പോര്ട്ട് വഴി 43,901 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 1,17,232 പേരും റെയില്വേ വഴി 16,540 പേരും ഉള്പ്പെടെ സംസ്ഥാനത്ത് ആകെ 1,79,294 പേരാണ് എത്തിയത്.
സംസ്ഥാനത്തെ വിവിധ ജില്ലകളിലായി 1,83,097 പേര് നിരീക്ഷണത്തിലാണ്. ഇവരില് 1,81,482 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1615 പേര് ആശുപത്രികളിലും നിരീക്ഷണത്തിലാണ്. 284 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 3903 സാമ്പിളുകള് പരിശോധനയ്ക്കായി അയച്ചിട്ടുണ്ട്. ഇതുവരെ 81,517 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 77,517 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 20,769 സാമ്പിളുകള് ശേഖരിച്ചതില് 19,597 സാമ്പിളുകള് നെഗറ്റീവ് ആയി. 5,510 റിപ്പീറ്റ് സാമ്പിള് ഉള്പ്പെടെ ആകെ 1,07,796 സാമ്പിളുകളാണ് പരിശോധിച്ചത്.
ഇന്ന് പുതുതായി 10 ഹോട്ട് സ്പോട്ടുകളാണുള്ളത്. പാലക്കാട് ജില്ലയിലെ പുതുപരിയാരം, കണ്ണാടി, വണ്ടാഴി, വടക്കാഞ്ചേരി, പൂക്കോട്ടുകാവ്, തെങ്കര, പിരായിരി, കൊല്ലങ്കോട്, കൊല്ലം ജില്ലയിലെ നീണ്ടകര, കോഴിക്കോട് ജില്ലയിലെ ഒളവണ്ണ എന്നിവയാണ് പുതിയ ഹോട്ട് സ്പോട്ടുകള്. ഇതോടെ നിലവില് ആകെ 138 ഹോട്ട് സ്പോട്ടുകളാണ് ഉള്ളത്.