Image

ആ​സാ​മി​ല്‍ വീ​ണ്ടും ആ​ള്‍​ക്കൂ​ട്ട കൊ​ല​പാ​ത​കം: ഇരുപത്തിമൂന്നുകാരനെ ത​ല്ലി​ക്കൊ​ന്നു

Published on 31 May, 2020
ആ​സാ​മി​ല്‍ വീ​ണ്ടും ആ​ള്‍​ക്കൂ​ട്ട കൊ​ല​പാ​ത​കം: ഇരുപത്തിമൂന്നുകാരനെ ത​ല്ലി​ക്കൊ​ന്നു
ജോ​ര്‍​ഹ​ട്ട്: ആ​സാ​മി​ല്‍ വീ​ണ്ടും ആ​ള്‍​ക്കൂ​ട്ട കൊ​ല​പാ​ത​കം. ശ​നി​യാ​ഴ്ച രാ​ത്രി​യു​ണ്ടാ​യ സം​ഭ​വ​ത്തി​ല്‍ 50 പേ​ര്‍ ചേ​ര്‍​ന്ന് ര​ണ്ടു യു​വാ​ക്ക​ളെ ആ​ക്ര​മി​ച്ചു. ഒ​രാ​ള്‍ കൊ​ല്ല​പ്പെ​ട്ടു. ജോ​ര്‍​ഹ​ട്ട് ജി​ല്ല​യി​ലാ​ണു സം​ഭ​വം.

ദേ​ബാ​ശി​ഷ് ഗോ​ഗോ​യ് (23) ആ​ണ് മ​രി​ച്ച​ത്. സു​ഹൃ​ത്ത് ആ​ദി​ത്യ ദാ​സി​ന് ഗു​രു​ത​ര​മാ​യി പ​രി​ക്കേ​റ്റു. ആ​ക്ര​മ​ണ​ത്തി​നി​ര​യാ​യ യു​വാ​ക്ക​ള്‍ ബൈ​ക്കി​ല്‍ വ​രു​ന്ന​തി​നി​ടെ ര​ണ്ടു സ്ത്രീ​ക​ളെ ഇ​വ​ര്‍ സ​ഞ്ച​രി​ച്ചി​രു​ന്ന വാ​ഹ​നം ഇ​ടി​ച്ച​താ​ണ് ആ​ക്ര​മ​ണ​ത്തി​നു കാ​ര​ണ​മാ​യ​ത്. പി​ന്നാ​ലെ ഒ​ത്തു​കൂ​ടി​യ ജ​ന​ക്കൂ​ട്ടം യു​വാ​ക്ക​ളെ ആ​ക്ര​മി​ക്കു​ക​യാ​യി​രു​ന്നു. 

സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ ദേ​ബാ​ശി​ഷി​ന്‍റെ പി​താ​വും സ​ഹോ​ദ​രി​മാ​രും ജ​ന​ക്കൂ​ട്ട​ത്തോ​ട് യാ​ചി​ച്ചെ​ങ്കി​ലും ആ​ക്ര​മ​ണം നി​ര്‍​ത്താ​ന്‍ ത​യാ​റാ​യി​ല്ല. ഏ​റെ​നേ​രം ക​ഴി​ഞ്ഞാ​ണ് ര​ണ്ട് യു​വാ​ക്ക​ളെ​യും ആ​ശു​പ​ത്രി​യി​ല്‍ കൊ​ണ്ടു​പോ​കാ​ന്‍ ആ​ള്‍​ക്കൂ​ട്ടം ബ​ന്ധു​ക്ക​ളെ അ​നു​വ​ദി​ച്ച​ത്. കു​ടും​ബാം​ഗ​ങ്ങ​ള്‍ ചേ​ര്‍​ന്ന് ദേ​ബാ​ശി​ഷി​നെ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും മ​രി​ച്ചി​രു​ന്നു.

യു​വാ​ക്ക​ളു​ടെ വാ​ഹ​നം ഇ​ടി​ച്ച ര​ണ്ട് സ്ത്രീ​ക​ള്‍​ക്കും കാ​ര്യ​മാ​യ പ​രി​ക്കി​ല്ല. സം​ഭ​വ​ത്തി​ല്‍ നാ​ലു​പേ​രെ അ​റ​സ്റ്റു ചെ​യ്തി​ട്ടു​ണ്ടെ​ന്നും മ​റ്റു​ള്ള​വ​ര്‍​ക്കു വേ​ണ്ടി തെ​ര​ച്ചി​ല്‍ തു​ട​രു​ക​യാ​ണെ​ന്നും പോ​ലീ​സ് ഉ​ദ്യോ​ഗ​സ്ഥ​ര്‍ പ​റ​ഞ്ഞു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക