തിരുവനന്തപുരം: പ്രവാസി മലയാളികളില് ഏറെ ബുദ്ധിമുട്ട് അനുഭവിക്കുന്നവര്ക്ക് മുന്ഗണന നല്കുമെന്ന് വിദേശകാര്യ സഹമന്ത്രി വി. മുരളീധരന് അറിയിച്ചു. ലോക്ഡൗണിനു ശേഷം എല്ലാവരെയും നാട്ടിലെത്തിച്ചാല് ക്വാറന്റീന് സൗകര്യം ഏര്പ്പെടുത്താല് ബുദ്ധിമുട്ടുണ്ട്.
പ്രവാസികള് മേയ് വരെ കാത്തിരിക്കേണ്ടിവരുമെന്ന് മന്ത്രി സൂചിപ്പിച്ചു.ഒരു ചാനല് ചര്ച്ചയില് പങ്കെടുക്കവെയാണ് മന്ത്രി ഇങ്ങനെ പറഞ്ഞത്.
സ്ഥിതി മെച്ചപ്പെടുമ്ബോള് എല്ലാവരെയും തിരികെയെത്തിക്കും. ഫിലിപ്പീന്സിലും മോള്ഡോവയിലും കുടുങ്ങിയവരുടെ സുരക്ഷ ഉറപ്പാക്കി. ഗള്ഫില് ഇന്ത്യന് എംബസിയുടെ ക്വാറന്റീന് സൗകര്യം ആലോചിക്കുന്നുണ്ടെന്നും മന്ത്രി പറഞ്ഞു.
വിദേശത്തെ ലേബര് ക്യാംപുകളില് ഭക്ഷണവും മരുന്നും എത്തിക്കും. എംബസികള് സന്നദ്ധസംഘടനകളുടെ സഹകരണത്തോടെ ഇടപെടും. ആവശ്യമെങ്കില് മരുന്ന് ഇന്ത്യയില് നിന്നു കൊണ്ടുപോകും. വിദേശത്ത് മരിച്ചവരുടെ മൃതദേഹങ്ങള് ഇന്ത്യയില് എത്തിക്കാന് നടപടി സ്വീകരിക്കുമെന്നും അദ്ദേഹം പറഞ്ഞു.