മൊബൈൽ ഫോൺ എവിടെ സൂക്ഷിക്കണം.? ഞങ്ങളുടെ പെണ്ണുങ്ങളോട് ചോദിക്കുക. അച്ഛൻ എക്‌സ്‌റേ ടെക് ആണ്. അദ്ദേഹം ആക്രി കച്ചവടക്കാരെ പോലെ എവിടെ വേണമെങ്കിലും ചെന്ന് ഇവിടുത്തെ എക്‌സ്‌റേ വേണമെങ്കിലും എടുക്കും. ഹൗസ് കോൾ, ഓൺ കോൾ എന്നൊക്കെ പുള്ളി പറയും. കുർബാന ചെല്ലുമ്പോൾ മൊബീൽ അരയിൽ വായിബറേറ്ററിൽ ആണ്. കുർബാന എഴുന്നള്ളിക്കുമ്പോൾ മിക്കവാറും ഫോൺ അടിക്കും. പാൻസിൽ പഴുതാര കേറിയതുപോലെ അങ്ങേര് പുളയും. ആദ്യം ഒക്കെ ഞങ്ങൾ കരുതി പരിശുദ്ധ അൽമാവ് കയറുന്നതു എന്ന് ഞങ്ങൾ എല്ലാം കരുതി. അച്ഛനെ പരിശുദ്ധൻ ആയി പ്രഖ്യാപിക്കണം എന്ന് മർത്ത മറിയ സമാജക്കാരും പ്രമേയം പാസ്സാക്കി ഭദ്രാസന മെത്രാപ്പോലീത്തയ്ക്ക് അയച്ചു കൊടുത്തു. അപ്പോൾ ആണ് അങ്ങേര് താമസിച്ച വീട്ടിലെ പെൺകുട്ടി കുളി കഴിഞ്ഞു ഈറൻ അണിഞ്ഞു ശകുന്തളയെ പോലെ ബാത്‌റൂമിൽ നിന്നും വരുന്നത് അദ്ദേഹം കണ്ടത്.... പോലീസ് വരുന്നതിനുമുമ്പ് കേരളവും പറ്റി. കഥയുടെ ഗതി മാറി എങ്കിലും അന്നുമുതൽ ഞങ്ങളുടെ പള്ളിയിലെ പെണ്ണുങ്ങൾ പ്രതേകിച്ചും ഓൺ കോൾ ഉള്ളവർ ചിലർ ബ്രെസിയറിൽ ആണ് ഫോൺ വെക്കുന്നത്. ചിലർ സാരിയുടെ കുത്തിലും തിരുകി വെക്കും. എല്ലാവരുടെയും ഫോൺ വയിബറേറ്ററിൽ ആണ്. ഫോൺ അടിക്കുമ്പോൾ ഇവരുടെ ബെല്ലി ഡാൻസ് കുർബാനക്ക് മേളം കൂട്ടും. ഇവരുടെ ഡാൻസ് കണ്ട് അവരുടെ ഭർത്താക്കന്മാർ ഉടനെ വെളിയിൽ പോയി കാർ സ്റ്റാർട്ട് ചെയ്യുന്നതും കാണാം. ഇതൊക്കെ ഞങ്ങളുടെ പള്ളി പുരാണം. -- സരസ്സന്‍