മലപ്പുറം: വനിതാ കമ്മിഷന് അംഗം ഷാഹിദ കമാലിനോട് അപമര്യാദയായി പെരുമാറിയ ഓട്ടോറിക്ഷ ഡ്രൈവര് കുറ്റം സമ്മതിച്ച് മാപ്പ് എഴുതി നല്കി. മലപ്പുറത്ത് നടന്ന വനിതാകമ്മീഷന് അദാലത്തില് നേരിട്ടെത്തിയാണ് അങ്ങാടിപുറത്തെ ഓട്ടോറിക്ഷ ഡ്രൈവര് അസ്ക്കറലി മാപ്പ് എഴുതി നല്കിയത്. തെറ്റാണ് ചെയ്തതെന്നു ബോധ്യപ്പെട്ടെന്നും ഇനി ആവര്ത്തിക്കില്ലെന്നും വനിതാ കമ്മീഷന് അസ്ക്കര് അലി എഴുതി നല്കി.
എന്നാല്, വിഷയം വ്യക്തിപരമായല്ല കാണുന്നതെന്നും സാമൂഹ്യപ്രശ്നമെന്ന നിലയില് നിയമ നടപടികളുമായി മുന്നോട്ട് പോകുമെന്നും ഷാഹിദ കമാല് പറഞ്ഞു. ഇതൊരു ഒറ്റപെട്ട സംഭവമായി കാണാനാവില്ല. യാത്രക്കാരോടുള്ള ഓട്ടോറിക്ഷ ഡ്രൈവര്മാരുടെ മനോഭാവത്തില് മാറ്റം വരണം. ഇതിനായി അങ്ങാടിപ്പുറത്തെ ഓട്ടോറിക്ഷ ഡ്രൈവര്മാര്ക്ക് ബോധവത്ക്കരണം നടത്താന് ഗതാഗതവകുപ്പുദ്യോഗസ്ഥര്ക്ക് നിര്ദ്ദേശം നല്കിയതായും ഷാഹിദ കമാല് പറഞ്ഞു.