EMALAYALEE SPECIAL

ജോസ് തറയിൽ ഇനി ദീപ്തമായ ഓർമ്മ

Published

on

കാനഡ: കാനഡയിലെ മാനിറ്റോബയിലെ വിന്നിപെഗിൽ കുടുംബസമേതം താമസിച്ചിരുന്ന ജോസ് തറയിൽ ബുധനാഴ്ച, 80-ാം  വയസ്സിൽ വിടവാങ്ങി.

കോട്ടയം സ്വദേശിയായ   ജോസ്, ബാങ്കറും കേരള നിയമസഭാംഗവുമായിരുന്ന ജെയിംസ് തറയിലിന്റെയും നാൻസിയുടെയും  ഒമ്പത് മക്കളിൽ രണ്ടാമനായിരുന്നു.

ഷെവലിയാർ ജേക്കബ് തറയിൽ അദ്ദേഹത്തിന്റെ മുത്തച്ഛനായിരുന്നു. ബിഷപ്പ് തോമസ് തറയിൽ  ഗ്രാൻഡ് അങ്കിൾ ആണ് . തറയിൽ കുടുംബത്തിന്റെ 200 വർഷം ആഘോഷിക്കുന്നതിനായി 2012 ൽ ഇന്ത്യയിൽ തറയിൽ സംഗമം സംഘടിപ്പിച്ചിരുന്നു.

1958-ൽ 17-ാം വയസ്സിൽ കപ്പൽമാർഗമാണ് ജോസ്  കാനഡയിലേക്ക് കുടിയേറിയത്. (അന്നത്തെ കപ്പൽയാത്രയിലെ സഹയാത്രികന്റെ മകനെയാണ് , 47 വർഷത്തിനുശേഷം അദ്ദേഹത്തിന്റെ  മകൾ വിവാഹം ചെയ്തതെന്നത് കാലത്തിന്റെ കുസൃതി). 

ഹാലിഫാക്സിലെ സെന്റ് മേരീസ് യൂണിവേഴ്സിറ്റിയിൽ നിന്ന് എഞ്ചിനീയറിംഗ് ബിരുദവും  മകെ ഗില്ലിൽ നിന്ന്  ബിരുദാനന്തര ബിരുദവും പൂർത്തിയാക്കി.  1967ലായിരുന്നു  കുഞ്ഞുമോൾ പാറേലുമായുള്ള  വിവാഹം. മൂത്തമകൻ ജിം 1970ലും രണ്ടാമത്തെ മകൻ ജെയ് 1974-ലും മകൾ ഷെറി 1976-ലും ജനിച്ചു.

തന്റെ ഔദ്യോഗിക ജീവിതത്തിന്റെ ഭൂരിഭാഗവും ജോസ് ബ്രിസ്റ്റോൾ എയ്‌റോസ്‌പേസിലായിരുന്നു. മാനേജ്മെന്റിലേക്ക് മാറുന്നതിന് മുൻപ് വരെ  അക്ഷരാർത്ഥത്തിൽ ഒരു റോക്കറ്റ് ശാസ്ത്രജ്ഞനായിരുന്നു അദ്ദേഹം. എഞ്ചിനീയറിംഗ് ആൻഡ് ക്വാളിറ്റി ഡയറക്ടർ എന്നതുൾപ്പെടെ ബ്രിസ്റ്റോളിൽ  നിരവധി സുപ്രധാന സ്ഥാനങ്ങൾ വഹിച്ചിട്ടുണ്ട്. ഓസ്‌ട്രേലിയ, യൂറോപ്പ്, തുർക്കി, മലേഷ്യ എന്നിങ്ങനെ ജോലിയുടെ ഭാഗമായി അദ്ദേഹം ലോകമെമ്പാടും സഞ്ചരിച്ചു. CRV-7 റോക്കറ്റിന്റെ രൂപകൽപന, വികസനം, അന്തിമ വിൽപ്പന എന്നിവയാണ് കരിയറിലെ തിളക്കമാർന്ന നേട്ടം. 2003ൽ ബ്രിസ്റ്റോളിൽ നിന്ന് വിരമിച്ചെങ്കിലും 2012 വരെ കൺസൾട്ടന്റായി ജോലി തുടർന്നു.

അസാമാന്യ പ്രതിഭയുള്ള ആളായിരുന്നു ജോസ്. കുടുംബജീവിതത്തിനു ഒരുപോലെ പ്രാധാന്യം നൽകിയിരുന്നു. ശനിയാഴ്ച രാത്രികളിൽ ഭാര്യയ്ക്കും കുട്ടികൾക്കും ഭക്ഷണം പാകം ചെയ്ത് കൊടുക്കുന്നതിൽ സന്തോഷം കണ്ടെത്തുന്ന ഗൃഹനാഥനാകും. വിരമിച്ചതിന് ശേഷം, ഭാര്യ ജോലിയിൽ തുടരുന്നതിനാൽ  പേരക്കുട്ടിയെ പരിപാലിച്ചത് അദ്ദേഹം ഒറ്റയ്ക്കായിരുന്നു.

കാർഡു  കളിയുടെ കാര്യത്തിലും ജോസിന്റെ മികവ്  പേരുകേട്ടതാണ്. 56- കളിയെപ്പറ്റി  2 പുസ്തകങ്ങൾ പ്രസിദ്ധീകരിച്ചിട്ടുണ്ട് , മൂന്നാമത്തേത് ഉടൻ പ്രസിദ്ധീകരിക്കും. 

ഉയർന്ന റാങ്കുള്ള ഒരു ബ്രിഡ്ജ് പ്ലെയറായിരുന്ന അദ്ദേഹം, 2001-ൽ കനേഡിയൻ ദേശീയ ടീമുകളുടെ ഉദ്ഘാടന ചാമ്പ്യൻഷിപ്പ് നേടി. ജോസ് നേരിട്ടും ഓൺലൈനായും  കാർഡു  കളിച്ചിരുന്നു. രോഗാവസ്ഥയിൽ  ആശുപത്രികിടക്കയിൽ കഴിയുമ്പോൾ പോലും ലാപ്പ്ടോപ്പിൽ  കാർഡ് പ്ലേ തുടർന്നു. ആഗോളതലത്തിൽ ഉപയോക്താക്കൾക്ക് കളിക്കാവുന്ന 56 ഓൺലൈൻ സൈറ്റിന്റെ ആരംഭത്തിൽ അദ്ദേഹം പ്രധാന പങ്കുവഹിച്ചു. 

കാർഡു കളിയോടുള്ള അദ്ദേഹത്തിന്റെ പ്രിയം  തീവ്രമായിരുന്നെങ്കിലും,  കുടുംബത്തിനായിരുന്നു എപ്പോഴും മുൻ‌തൂക്കം. പ്രത്യേകിച്ച്  പേരക്കുട്ടികളായ ജോസഫ്, പ്രിയ, യുവിക എന്നിവരോട് അളവറ്റ സ്നേഹം പ്രകടിപ്പിച്ചിരുന്നു. വിരുന്നുസൽക്കാരം ഒരുക്കുന്നതിലും  ജോസിന് വലിയ താല്പര്യമായിരുന്നു. 

കാനഡയിലെത്തുന്ന ഓരോ  പുതിയ മലയാളി കുടിയേറ്റക്കാരിലും തന്റെ പഴയകാലം കണ്ടിരുന്ന ജോസ്, അവരെ എപ്പോഴും ചേർത്തുനിർത്താൻ ശ്രദ്ധിച്ചിരുന്നു. താൻ എവിടെ നിന്നാണ് വന്നതെന്ന് ജോസ് ഒരിക്കലും മറന്നില്ല. 60 കളിലും 70 കളിലും മൂന്ന് സഹോദരന്മാരെ കാനഡയിലേക്ക് കൊണ്ടുവന്നു. അവസാനനാളുവരെ പുതുതലമുറയിൽപ്പെട്ടവർക്ക് വഴിവിളക്കായി അദ്ദേഹം നിലകൊണ്ടു. 

മികവ്, കഠിനാധ്വാനം, വിനയം, ദയ എന്നിവ  സമന്വയിപ്പിച്ച പ്രത്യേക വ്യക്തിത്വത്തിന് ഉടമയായിരുന്ന ജോസിനെ ആർക്കും ഏത് സഹായത്തിനും  സമീപിക്കാനും തുറന്നുസംസാരിക്കാനും എളുപ്പവുമായിരുന്നു.  മരിക്കുന്നതിന് ഏതാനും ദിവസങ്ങൾക്ക് മുമ്പ്, അദ്ദേഹത്തിന്റെ വീട്ടിൽ രണ്ട് സഹോദരന്മാർ എത്തി ഏറെ നേരം  സംസാരിച്ചും  ചീട്ടുകളിച്ചും സന്തോഷത്തോടെയാണ് പിരിഞ്ഞത്.

അദ്ദേഹത്തിന്റെ ദീപ്തമായ ഓർമ്മകൾ പ്രിയപ്പെട്ടവരുടെ മനസ്സുകളിൽ എന്നും അണയാതെ നിൽക്കും.

വിസിറ്റേഷൻ ആൻഡ് സെലിബ്രേഷൻ ഓഫ് ലൈഫ് : നവംബർ 29 തിങ്കൾ 6pm-8:30pm-ന് തോംസൺ "ഇൻ ദ പാർക്ക്" ഫ്യൂണറൽ ഹോമിൽ , 1291 മക്ഗിൽവ്രേ ബുലവാർഡ്, വിന്നിപെഗ്.

സംസ്കാരച്ചടങ്ങും  കുർബാനയും: നവംബർ 30 ചൊവ്വാഴ്ച രാവിലെ 10.30ന് വിന്നിപെഗിലെ സെന്റ് ജിയന്ന ബെറെറ്റ കാത്തലിക് ചർച്ച് ,15 കൊളംബിയ ഡ്രൈവിൽ.

**കോവിഡ്-19 നിയന്ത്രണങ്ങൾ***
മാനിറ്റോബ ഗവൺമെന്റിന്റെ കോവിഡ് മാർഗ്ഗനിർദ്ദേശം അനുസരിച്ച്,  ഇവന്റുകളിൽ പങ്കെടുക്കാൻ വാക്സിനേഷൻ   രേഖ കയ്യിൽ കരുതേണ്ടതുണ്ട് . കൂടാതെ, മുൻകൂട്ടി രജിസ്റ്റർ ചെയ്യുകയും വേണം. ലിങ്ക്/പ്രീ-രജിസ്‌ട്രേഷൻ വിശദാംശങ്ങൾ ഉടൻ നൽകും. നിർബന്ധമായും മാസ്‌കുകൾ  ധരിക്കണം.
പങ്കെടുക്കാൻ കഴിയാത്തവർക്കായി രണ്ട് ഇവന്റുകളുടെയും തത്സമയ സ്ട്രീമിങ്  ഉണ്ടായിരിക്കും.

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

പിണറായിയെ ഒതുക്കാൻ ആരെങ്കിലും ശ്രമിക്കുന്നുണ്ടോ? അത് സാധ്യമോ? (പി പി മാത്യു) 

2024 ലും റണ്ണിങ് മേറ്റ് കമല ഹാരിസ് തന്നെയെന്ന് ബൈഡൻ 

ഞാനിപ്പം നിൽക്കണോ പോണോ? എന്നു സ്വന്തം കൊറോണ (ദുർഗ മനോജ് )

കമ്മ്യൂണിസ്റ്റുകളുടെ  ചൈനാ പ്രേമം (ലേഖനം: സാം നിലംപള്ളിൽ)

കോടതി വിധി, ജനവിധി, ദൈവവിധി (നിരീക്ഷണം-സുധീർ പണിക്കവീട്ടിൽ)

ഒരു കെ റെയിൽ അപാരത (ദുർഗ മനോജ് )

പങ്കാളിക്കായുള്ള തിരച്ചില്‍ ഗിന്നസ് ബുക്കില്‍ എത്താനോ ? ( മേരി മാത്യു മുട്ടത്ത്)

എന്റെ മണവാളനായ മ്ശിഹാ അറിയുന്നതിന് (മില്ലി ഫിലിപ്പ്)

നീ എന്നെ ഓർക്കുന്നുണ്ടെങ്കിൽ, ലോകം എന്നെ മറന്നു കൊള്ളട്ടെ (മൃദുമൊഴി 36: മൃദുല രാമചന്ദ്രൻ)

ബിഷപ്പ് ഫ്രാങ്കോ: വത്തിക്കാന്റെ നിലപാടെന്ത്‌? (ബി ജോൺ കുന്തറ)

 കേരളത്തിന്റെ ജര്‍മ്മന്‍ ഗുണ്ടര്‍ട്ട്(കാരൂര്‍ സോമന്‍, ലണ്ടന്‍)

സൂര്യ കിരീടം വീണുടയുമ്പോൾ (ഫിലിപ്പ് ചെറിയാൻ)

എടാ ഷിബുവേ, ഇതാണു മിന്നല്‍ മുരളി (ദുര്‍ഗ മനോജ്)

ബിഷപ്പ് ഫ്രാങ്കോ  കേസ്:  അമേരിക്കൻ മലയാളികൾ ആർക്കൊപ്പം?

നവാബ് രാജേന്ദ്രൻ എന്ന വിസിൽ ബ്ലോവർ (ജയ്‌മോന്‍ ജേക്കബ് പുറയംപള്ളില്‍)

കമലാ ഹാരിസിന്റെ  പ്രതിഛായ മെച്ചപ്പെടുത്താൻ പുതിയ നീക്കങ്ങൾ 

ബിഷപ്പ് ഫ്രാങ്കോ കേസ് വിധിയുടെ പൂർണരൂപം

ബിഷപ്പും കന്യാസ്ത്രീയും വിധിയും (ജോണ്‍  കുന്തറ)

കാലാവസ്ഥാ വ്യതിയാനം ആഗോള സമ്പദ്വ്യവസ്ഥയെ എങ്ങനെ ബാധിക്കും! (ഫിലിപ്പ് മാരേട്ട് )

കവി സച്ചിദാനന്ദൻ: മഹാമാരിക്കാലത്ത് മറ്റൊരു ആത്മീയത തേടി... (വിജയ് സി. എച്ച്)

മനുഷ്യപ്പറ്റില്ലാത്ത ക്രൂരതയുമായി ചൈന : കോവിഡ് ഒരു രോഗമാണ്, കുറ്റകൃത്യമല്ല (ദുർഗ മനോജ് )

ഹൈ സ്‌പീഡ് റെയിൽ കേരളത്തിലും റഷ്യയിലും (നടപ്പാതയിൽ ഇന്ന്- 17-ബാബു പാറയ്ക്കൽ)

ഒരു പലസ്തീൻ യുവതിയുടെ പോരാട്ടങ്ങൾ (വാൽക്കണ്ണാടി - കോരസൺ)

ലതാജി, നിങ്ങള്‍ വേഗം സുഖംപ്രാപിക്കട്ടെ! (ദുര്‍ഗ മനോജ്)

ബിജെപിയും അഖിലേഷും, പിന്നെ ചിത്രത്തിൽ നിന്ന് മായുന്ന കോൺഗ്രസും ബിഎസ്പിയും  (സനൂബ്  ശശിധരൻ)

ജോൺസ് ഹോപ്കിൻസും  പിണറായിയുടെ ചികിത്സയും 

മല്ലപ്പള്ളിയിലേക്ക് ഒരു സൗജന്യയാത്ര (സുധീർ പണിക്കവീട്ടിൽ)

ഇന്ത്യയിലും ആഫ്രിക്കന്‍ രാജ്യങ്ങളിലും അനിയന്ത്രിതമായ ജനസംഖ്യാ വര്‍ദ്ധനവ് (കോര ചെറിയാന്‍)

ദാസേട്ടാ മാപ്പ്, മാപ്പ്, മാപ്പ്... ഒരു പാട്ടുകാരിയുടെ വൈറല്‍ വിജയ കഥ! (വിജയ് സി. എച്ച് )

വരുമോ കാലനില്ലാക്കാലം, ഇനി ജീവിക്കാം 180 വയസു വരെ (ദുര്‍ഗ മനോജ്)

View More