നോട്ടിംഗ്ഹാം മലയാളി കള്‍ച്ചറല്‍ അസോസിയേഷന് നവ നേതൃത്വം
Published on 09 October, 2021
നോട്ടിംഗ്ഹാം: യുകെയിലെ ആദ്യകാല മലയാളി അസോസിയേഷനുകളില്‍ ഒന്നും അംഗസംഖ്യകൊണ്ട് മുനിരയിലുള്ളതുമായ നോട്ടിംഗ്ഹാം മലയാളി കള്‍ച്ചറല്‍ അസോസിയേഷന് പുതിയ യുവ നേതൃത്വം. കോവിഡ് മൂലം പ്രതിസന്ധിയിലായിരുന്ന നോട്ടിംഗ്ഹാം മലയാളികളില്‍ ആവേശത്തിന്റെ പുത്തനുര്‍വ് സമ്മാനിച്ചുകൊണ്ട് നോട്ടിംഗ്ഹാം മലയാളികളുടെ ഐക്യത്തിന്റെ പ്രതീകമായ എന്‍എംസിഎ പുതിയ ഒരു നേതൃത്വത്തിന് കീഴില്‍ പ്രവര്‍ത്തനമാരംഭിച്ചു.
നിലവിലെ യുക്മ ടൂറിസം ക്ലബ് ചെയര്‍മാനായ ഡിക്‌സ് ജോര്‍ജിന്റെ നേതൃത്വത്തില്‍ 21 അംഗ കമ്മിറ്റി കഴിഞ്ഞയാഴ്ച ചുമതലയേറ്റു. എന്‍എംസിഎയുടെ മുന്‍ പ്രസിഡന്റ് എന്ന നിലയില്‍ സ്തുത്യര്‍ഹമായ പ്രവര്‍ത്തനം നടത്തിയിട്ടുള്ള ഡിക്‌സ്, മുന്‍ യുക്മ ഈസ്റ്റ് മിഡ്‌ലാന്‍ഡ്‌സ് പ്രസിഡന്റുമാണ്.
കഴിഞ്ഞ രണ്ടു വര്‍ഷക്കാലമായി ലോകമെന്പാടുമുള്ള ജനങ്ങളുടെ ജീവിതത്തെ തന്നെ മാറ്റിമറിച്ച ഒരു മഹാമാരി കാലഘട്ടത്തിനുശേഷം വരുന്ന ഒരു പുതിയ നേതൃത്വം എന്ന നിലക്ക് ഈ ഒരു വര്‍ഷം നോട്ടിംഗ്ഹാം മലയാളികളുടെ മനസിനുണര്‍വ് ലഭിക്കുന്ന പുതിയ ആശയങ്ങളും പ്രവര്‍ത്തനങ്ങളും തങ്ങളുടെ ഭാഗത്തുനിന്നുണ്ടാകുമെന്നു കമ്മിറ്റി ഭാരവാഹികള്‍ അറിയിച്ചു. കഴിഞ്ഞ രണ്ടു ദശബ്ദക്കാലമായി നോട്ടിംഗ്ഹാമിലെക്കു കുടിയേറിപ്പാര്‍ത്ത നൂറുകണക്കിന് മലയാളി കുടുംബങ്ങളെ ഒരു കുടക്കീഴില്‍ അണിനിരത്തി മുന്നോട്ടു പോകുന്ന എന്‍എംസിഎയ്ക്കു കീഴില്‍ നോട്ടിംഗ്ഹാം മലയാളികള്‍ ഒറ്റക്കെട്ടായി ഒപ്പമുണ്ട്.
സെപ്റ്റംബര്‍ നാലിനു ചേര്‍ന്ന ജനറല്‍ ബോഡിയില്‍ പ്രസിഡന്റായി ഡിക്‌സ് ജോര്‍ജിനെയും ജനറല്‍ സെക്രട്ടറിയായി അഡ്വ. ജോബി പുതുക്കുളങ്ങരയെയും തെരഞ്ഞെടുത്തു. പിന്നീട് ചേര്‍ന്ന കമ്മിറ്റി യോഗത്തില്‍ ട്രഷററായി മിഥു ജെയിംസിനെയും, വൈസ് പ്രസിഡന്റായി ദീപ ദാസിനെയും, ജോയിന്റ് സെക്രട്ടറിയായി ജയകൃഷ്ണന്‍ നായരെയും, ജോയിന്റ് ട്രഷറര്‍ ആയി കുരുവിള തോമസിനെയും തെരഞ്ഞെടുത്തു.
ഭാരവാഹികളായി ബെന്നി ജോസഫ് -പിആര്‍ഒ, ബിജോയ് വര്‍ഗീസ്-സ്‌പോര്‍ട്‌സ് ആന്‍ഡ് കള്‍ച്ചറല്‍ കണ്‍വീനര്‍ , അശ്വിന്‍ ജോസ്- യൂത്ത് കണ്‍വീനര്‍, അനിത മധു- ഡാന്‍സ് കോര്‍ഡിനേറ്റര്‍, ജോമോന്‍ ജോസ് - പ്രോഗ്രാം കോര്‍ഡിനേറ്റര്‍, അഭിലാഷ് തോമസ് - പ്രോഗ്രാം കോര്‍ഡിനേറ്റര്‍, ജോസഫ് മുളങ്കുഴി - പ്രോഗ്രാം കോര്‍ഡിനേറ്റര്‍, ബേബി കുര്യാക്കോസ് - പ്രോഗ്രാം കോര്‍ഡിനേറ്റര്‍, ടോംസ് ഡാനിയേല്‍ - ചാരിറ്റി കോര്‍ഡിനേറ്റര്‍, അരുണ്‍ ജോസ് - മാന്‍സ്ഫീല്‍ഡ് ഏരിയ കോര്‍ഡിനേറ്റര്‍, ജിഷ്‌മോന്‍ മാത്യു - ആര്‍ട്‌സ് കോര്‍ഡിനേറ്റര്‍, അജേഷ് ജോണ്‍ - ബാഡ്മിന്റണ്‍ കോര്‍ഡിനേറ്റര്‍, ബിബിന്‍ ജോസഫ് - ബാഡ്മിന്റണ്‍ കോര്‍ഡിനേറ്റര്‍, സാവിയോ ജോസ് - എക്‌സ്-ഒഫീഷ്യയോ, റോയ് ജോര്‍ജ് - എക്‌സ്-ഒഫീഷ്യയോ എന്നിവരെ തെരഞ്ഞെടുത്തു.
ബെന്നി ജോസഫ്
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala