ജനീവ: സ്വവര്ഗ വിവാഹങ്ങള് നിയമവിധേയമാക്കുന്നതിന് അനുകൂലമായി ഹിതപരിശോധനയില് സ്വിസ് ജനത വിധിയെഴുതി. ഹിതപരിശോധനയില് 64.1 ശതമാനം ആളുകളുടെ വോട്ട് ലഭിച്ചതോടെ സ്വവര്ഗ ദന്പതികള്ക്ക് പുതിയ അവകാശങ്ങള് ലഭിക്കും. 2022 ജൂലൈ 1 മുതല് പ്രാബല്യത്തില് വരുന്ന പുതിയ നിയമം, സ്വവര്ഗ്ഗ ദന്പതികള്ക്ക് പുതിയ സാധ്യതകള് തുറക്കുകയും അവരുടെ ഭിന്നലിംഗ എതിരാളികളുമായി കൂടുതല് തുല്യത പുലര്ത്തുകയും ചെയ്യും.
ഇതോടെ സ്വവര്ഗ ദന്പതികള്ക്ക് വിവാഹത്തിനും ദത്തെടുക്കാനുമാണ് അനുമതി ലഭിച്ചിരിക്കുന്നത്. ഇതോടെ ഈ നിയമം പ്രാബല്യത്തിലാക്കിയ ലോകത്തെ ഇരുപത്തിയൊന്പതാമത്തെ രാജ്യമായി സ്വിറ്റ്സര്ലന്റ്. കാത്തലിക്ക് ബിഷപ്സ് കോണ്ഫറന്സ് ഈ നിയമ പരിഷ്കരണത്തെ എതിര്ത്തപ്പോള് പ്രൊട്ടസ്ററന്റ് സഭ ഹിതപരിശോധനയെ അനുകൂലിച്ചു.
സ്വവര്ഗ്ഗ ദന്പതികള്ക്ക് ഇതിനകം തന്നെ അവരുടെ പങ്കാളിത്തം രജിസ്ററര് ചെയ്യാനും പങ്കാളിയുടെ അനന്തരാവകാശത്തിനും പെന്ഷനും അവകാശമുണ്ടെങ്കിലും, അവര്ക്ക് ഒരുമിച്ച് ഒരു കുട്ടിയെ ദത്തെടുക്കാനോ ബീജദാനത്തിലേക്ക് പ്രവേശനം നേടാനോ കഴിഞ്ഞിരുന്നില്ല.ഞായറാഴ്ചയാണ് ഹിതപരിശോധന നടന്നത്.
ജോസ് കുന്പിളുവേലില്