Image

ലൈന്‍ ഓഫ് കളേഴ്‌സിന്റെ പുതിയ ചിത്രത്തില്‍ നിമിഷയും റോഷനും

ആശ എസ്. പണിക്കര്‍ Published on 28 July, 2021
 ലൈന്‍ ഓഫ് കളേഴ്‌സിന്റെ പുതിയ ചിത്രത്തില്‍ നിമിഷയും റോഷനും
 സാന്‍ഡ്വിച്ച്, ഡേവിഡ് ആന്‍ഡ് ഗോലിയാത്ത്, ജനകന്‍ എന്നീ ചിത്രങ്ങള്‍ക്കു ശേഷം ലൈന്‍ ഓഫ് കളേഴ്‌സിന്റെ  ബാനറില്‍ എം.സി അരുണ്‍ നിര്മ്മിക്കുന്ന പുതിയചിത്രത്തില്‍ നിമിഷയും റോഷനും നായികാ നായകന്‍മാരായി എത്തുന്നു. ഫ്രൈഡേയ്ക് ശേഷം ലിജിന്‍ ജോസും തിരക്കഥാകൃത്ത് നജീം കോയയും വീണ്ടും ഒന്നിക്കുന്ന ചിത്രത്തിന്റെ പേര് തീരുമാനിച്ചിട്ടില്ല. 

അലക്‌സ് പുളിക്കല്‍ ഛായാഗ്രഹണവും ബാവ കലാസംവിധാനവും നിര്‍വഹിക്കുന്ന ചിത്രത്തിന്റെ പ്രൊഡക്ഷന്‍ കണ്‍ട്രോളര്‍ സേതു അടൂരാണ്. ബിനു കുമാറും രതീഷ് സുകുമാരനുമാണ് എക്‌സിക്യൂട്ടീവ് പ്രൊഡ്യൂസേഴ്‌സ്. ആലപ്പുഴയില്‍ ഓഗസ്റ്റ് മാസം ചിത്രീകരണം ആരംഭിക്കും. 

കോട്ടയംകാരുടെ സ്വന്തം സിനിമ 'മോസ്‌കോ കവല' പ്രദര്‍ശനത്തിനൊരുങ്ങുന്നു. 

കോട്ടയംകാരുടെ സ്വന്തം സിനിമ 'മോസ്‌കോ കവല' പ്രദര്‍ശനത്തിനൊരുങ്ങുന്നു.നുകാലിക സംഭവങ്ങളെ കോര്‍ത്തിണക്കി സൂര്യ ഈവന്റ്‌സിന്റെ ബാനറില്‍ ബിനോയ് വേളൂര്‍ രചനയും സംവിധാനവും നിര്‍വഹിക്കുന്ന  ചിത്രത്തില്‍ പ്രശസ്ത നടന്‍ ബാബു നമ്പൂതിരി പ്രധാന വേഷത്തിലഭിനയിക്കുന്നു. 

യുവപ്രതിഭ ദാവിദ് ജോണ്‍ ചിത്രത്തില്‍ പ്രധാന വേഷത്തില്‍ എത്തുന്നു. ചിത്രത്തില്‍ പ്രശസ്ത ക്യാമറമാന്‍ പ്രദീപ് നായരും അഭിനയിക്കുന്നുണ്ട്. അജീഷ് കോട്ടയം, പി.ആര്‍.ഹരിലാല്‍, ജെമിനി, ഡോ.അനീസ് മുസ്തഫ, സോമു മാത്യു, കുര്യച്ചന്‍, അനന്തു, ശിവകാമി കൈമള്‍, പ്രീതി ജിനു, അനീഷ അനിഷ്, പ്രിയദര്‍ശിനി, വേദ സൂരജ് എന്നിവരാണ് മറ്റ് താരങ്ങള്‍. 

പൂര്‍ണ്ണമായും കോട്ടയത്ത് ചിത്രീകരിച്ച സിനിമയിലെ അഭിനേതാക്കളും കോട്ടയുംകാരാണ്. സിനിമയുടെ പോസ്റ്റ് പ്രൊഡക്ഷന്‍ വര്‍ക്കുകള്‍ പൂര്‍ണ്ണമായും പിയാനോ ഡിജിറ്റല്‍ റിക്കോര്‍ഡിങ്ങ് സ്റ്റുഡിയോയിലാണ് ചിത്രീകരിച്ചത്. ക്യാമറ രാജേഷ് പീറ്റര്‍, ചീഫ് അസ്സോസിയേറ്റ് അനില്‍ മാത്യു, എഡിറ്റര്‍ തോബി തോമസ്, എഡിറ്റ് ലൈന്‍, പ്രഡക്ഷന്‍ കണ്‍ട്രോളര്‍ ശശി മയനൂര്‍, മേക്കപ്പ് രാജേഷ് ജയന്‍, ആര്‍ട്ട് ജയകമാര്‍ കെ.പവിത്രന്‍, ബിന്ദു ബൈജു, സംഗീതം ബൈജു ചിറ്റക്കാട്ട്, അസ്സോസിയേറ്റ് ഡയറക്ടര്‍ ബിനില്‍, രതീഷ് കൃഷ്ണ, അസ്സോസിയേറ്റ് ക്യാമറ ബിനു പനച്ചിക്കാട്, കളറിസ്റ്റ് നിതിന്‍കെ.രാജ്, സ്റ്റൂഡിയോ പിയാനോ ഡിജിറ്റല്‍ സ്റ്റുഡിയോ, പി.ആര്‍.ഓ പി.ശ്രീകുമാര്‍.

      പത്താം ക്‌ളാസില്‍ 91 ശതമാനം മാര്‍ക്ക് നേടി ഹന്‍സിക

പത്താം ക്‌ളാസില്‍ മികച്ച വിജയം കൈവരിച്ച് നടന്‍ കൃഷ്ണ കുമാറിന്റെ ഇളയ മകള്‍ ഹന്‍#ിക കൃഷ്ണ .91 ശതമാനം മാര്‍ക്ക് നേടിയാണ് കൊച്ചു മിടുക്കി ജയിച്ചത്. ഇതു വിശ്വസിക്കാന്‍ കഴിയുന്നില്ലെന്നും എല്ലാവരുടെയു പ്രാര്‍ത്ഥനകള്‍ക്ക് നന്ദിയുണ്ടെന്നും ഹന്‍സിക അറിയിച്ചു. ഐ.സി.എസ്.ഇ സിലബസ്സായിരുന്നു ഹന്‍സികയുടേത്. 
അഹാനയുടെ പൊന്നോമനയാണ് ഹന്‍സിക. ഹന്‍സികയെ കുറിച്ച് പറയുമ്പോഴെല്ലാം അഹാനയ്ക്ക് വാത്സല്യം നിറയും. ഹന്‍സികയുടെ പ്‌ളസ് വണ്‍ അഡ്മിഷനു വേണ്ടി അമ്മ സിന്ധുവിനൊപ്പം അഹാനയും സ്‌കൂളില്‍ പോയിരുന്നു.


Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക