Image

കേരളം നിക്ഷേപ സൗഹൃദ സംസ്ഥാനമാകണം: ഫോമ

(സലിം ആയിഷ : ഫോമാ പി ആർ ഓ) Published on 04 July, 2021
കേരളം നിക്ഷേപ സൗഹൃദ  സംസ്ഥാനമാകണം: ഫോമ

ഒരു സോഷ്യലിസ്റ്റ്  ജനാധിപത്യ സമ്പത് വ്യവസ്ഥയിൽ നിന്നും മിശ്രസമ്പത് വ്യവസ്ഥയിലേക്ക്  കേരളം ചുവടുമാറ്റം നടത്തിയെങ്കിലും,   ഒരു സമ്പൂർണ്ണ നിക്ഷേപ സൗഹൃദ സംസ്ഥാന  പദവി കൈവരിക്കാൻ കേരളത്തിന് കഴിഞ്ഞിട്ടില്ല എന്ന കുറവ് പരിഹരിക്കാൻ കേരളം ഗൗരവമായ നടപടികൾ സ്വീകരിക്കണമെന്ന് ഫോമ. 

ആളോഹരി വരുമാനത്തിലും, ആഭ്യന്തര ഉത്പാദന വളർച്ചയിലുമുള്ള വർധനകൾ ശുഭസൂചകമാണെങ്കിലും,വ്യവസായ നയത്തിലുള്ള അപാകതകൾ മൂലം പ്രവാസി വ്യവസായികൾ ഉൾപ്പടെയുള്ളവർ നേരിടുന്ന ബുദ്ധിമുട്ടുകളും, ചുവപ്പുനാടയിൽ കുരുങ്ങി വ്യവസായികളുടെ ഊർജ്ജവും, പണവും കുരുങ്ങിപ്പോകുന്ന അവസ്ഥയും മാറാനും മാറ്റാനും സർക്കാർ സത്വര നടപടികൾ കൈക്കൊള്ളണമെന്ന് ഫോമാ ആഭ്യർത്ഥിച്ചു. 

വ്യവസായ  സൗഹൃദ പരിഷ്‌കാരങ്ങൾ വിജയകരമായി നടപ്പാക്കിയ സംസ്ഥാനങ്ങളുടെ പട്ടികയിൽ കേരളത്തെയും ഉൾപ്പെടുത്തി കേന്ദ്ര ധനവിനിയോഗവകുപ്പ്‌ ഉത്തരവിറക്കിയെങ്കിലും,.2019 ലെ ബിസിനസ് റിഫോം ആക്ഷൻ പ്ലാനിന്റെ ഭാഗമായി   ഓരോ സംസ്ഥാനവും ചെയ്യേണ്ട ദൗത്യങ്ങൾ കേരളം പൂർണ്ണമായി നടപ്പിലാക്കിയിട്ടില്ല .ധനവിനിയോഗവകുപ്പ്‌ നിർദേശിച്ച ബിസിനസ്‌ സൗഹൃദ പരിഷ്‌കാരം നടപ്പാക്കുന്ന എട്ടാമത്തെ സംസ്ഥാനമാണ്‌ കേരളമെങ്കിലും, ഏറ്റവും മികച്ച വ്യവസായ സൗഹൃദ സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടേയും പട്ടികയിൽ കേരളത്തിന് ഇരുപത്തിയെട്ടാം സ്ഥാനം  മാത്രമാണുള്ളത്. സർക്കാർ ഉദ്യോഗസ്ഥന്മാരുടെ അനാസ്ഥമൂലമോ, മുൻവിധിയോടെയുള്ള സമീപനം മൂലമോ ഒരു വ്യവസായവും തകർന്നു പോകുന്നതിനോ, അന്യസംസ്ഥാനങ്ങളിലേക്ക് മാറിപോകുന്നതിനോ ഉള്ള അവസരങ്ങൾ സംജാതമാകരുത്.

അൻപതുകളിലെ  പിന്നോക്കാവസ്ഥയിൽ നിന്ന് അൻപത് വർഷങ്ങൾക്കിടയിൽ വലിയ മാറ്റങ്ങൾക്ക്  കേരളം  സാക്ഷ്യം വഹിച്ചത് ഇച്ചാ ശക്തിയും. വിദ്യാഭ്യാസത്തിലുണ്ടായ പുരോഗതിയും, പുരോഗമന സർക്കാരുകൾ കൊണ്ടുവന്ന നയങ്ങൾ മൂലവുമാണ്. വ്യവസായ വളർച്ചയ്ക്കും നിക്ഷേപ സൗഹ്ര്യദ സംസ്ഥാനമായി കേരളത്തെ രൂപപ്പെടുത്തുന്നതിനും കേരളത്തിന് കഴിയും. 

കേരളത്തെ മികച്ച വ്യവസായ കേന്ദ്രമാക്കുന്നതിന്  വ്യവസായ നിക്ഷേപകര്‍,  വിദഗ്ദര്‍, വ്യവസായ പ്രമുഖര്‍ എന്നിവര്‍ ഉള്‍പ്പെടുന്ന ഉപദേശക സമിതി,വ്യവസായ മുതല്‍ മുടക്കിന് സ്റ്റാര്‍ റേറ്റിംഗ് സംവിധാനം,കയറ്റുമതി ഇറക്കുമതി സാധ്യതകള്‍ പ്രയോജനപ്പെടുത്തുന്നതിന് സംസ്ഥാനത്തിന്‍റെ വിവിധ ഭാഗങ്ങളിൽ ലോജസ്റ്റിക്സ് പാര്‍ക്കുകള്‍ തുടങ്ങിയ നിർദ്ദേശങ്ങൾ ഫലവത്തായി നടപ്പിലാക്കാൻ കഴിയണം.മാത്രമല്ല വ്യവസായികളെയും പ്രവാസി സംഘടനകളെയും ഉൾപ്പെടുത്തി   ലോക കേരള സഭയുടെയും, നോർക്കയുടെയും പുനർനിർമ്മാണം എന്നിവയും അനിവാര്യമാണ്. 

കിറ്റെക്സ് ചെയർമാൻ സാബു ജേക്കബിന്റെ വെളിപ്പെടുത്തലുകളും, കിറ്റെക്സ് വ്യവസായ സ്ഥാപനത്തിന് അന്യ സംസ്ഥാനങ്ങളിൽ നിന്ന് ക്ഷണം ലഭിച്ചുവെന്ന വാർത്തയും, ഈ അവസരത്തിൽ കൂട്ടി വായിക്കേണ്ടതുണ്ട്. വ്യവസായ വകുപ്പും, കിറ്റെക്സ് സ്ഥാപനവുമായുള്ള പ്രശ്നങ്ങൾ രമ്യമായി പരിഹരിക്കാനും, ആ വ്യവസായത്തെ ആശ്രയിച്ചു ജീവിക്കുന്നവർക്ക് പരിപൂർണ്ണ സംരക്ഷണം നൽകാനും ബന്ധപ്പെട്ട അധികാരികൾ തയ്യാറാകണം. നിരവധി പ്രവാസ വ്യവസായ മലയാളികൾ ആശങ്കയോടെയാണ് ഈ സ്ഥിതിവിശേഷത്തെ കാണുന്നത്. വ്യവസായങ്ങൾ നാടിന്റെ പുരോഗതിക്കും, സാമ്പത്തിക വളർച്ചയ്ക്കും, ജനതയുടെ ആളോഹരി വരുമാനം ഉയർത്തുന്നതിനും ജീവിത നിലവാരം മെച്ചപ്പെടുത്തുന്നതിനും അനിവാര്യമായ ഘടകങ്ങളാണ് എന്ന്  തിരിച്ചറിയാൻ എല്ലാവരും തയ്യാറാകണം.

ഒരു സമ്പൂർണ നിക്ഷേപ സൗഹ്യദ സംസ്ഥാനമായി കേരളത്തെ മാറ്റാൻ ഇപ്പോഴത്തെ സർക്കാരിന് കഴിയുമെന്ന് ഫോമ പ്രത്യാശിക്കുന്നു. കേരളത്തിന്റെ വ്യ്വവസായ വളർച്ചയ്‌ക്കും പ്രവാസി വ്യവസായികളും, മറ്റും നേരിടുന്ന പ്രശ്നങ്ങൾ പരിഹരിഹരിക്കാനും ഫോമാ എന്നും പ്രതിജ്ഞാ ബദ്ധമാണെന്നും ഫോമയുടെ എല്ലാ പിന്തുണയും ഇക്കാര്യത്തിൽ ഉണ്ടാകുമെന്നും ഫോമാ നിർവ്വാഹക സമിതിപ്രസിഡന്റ് അനിയൻ ജോർജ്ജ്, ജനറൽ സെക്രട്ടറി ടി.ഉണ്ണികൃഷ്ണൻ, ട്രഷറർ തോമസ്.ടി.ഉമ്മൻ, വൈസ് പ്രസിഡന്റ് പ്രദീപ് നായർ, ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറർ ബിജു തോണിക്കടവിൽ, ഫോമാ ബിസിനസ് ഫോറം ചെയർമാൻ ജോൺ ടൈറ്റസ്, മറ്റു ഭാരവാഹികളായ ആന്ററണി പ്രിൻസ്, ദിലീപ് വർഗ്ഗീസ്,  വർക്കി എബ്രഹാം,ബേബി ഊരാളിൽ ജോയി നെടിയകാലയിൽ, സൈമൺ കോട്ടൂർ, ആനന്ദ് ഗംഗാധരൻ, തോമസ് കോശി, ഡോ ഫ്രീമു വർഗ്ഗീസ്, സിജോ വടക്കൻ, ബാബു ശിവദാസൻ, മാണി സ്കറിയ, ഹനീഫ് എറണിക്കൽ, സജയ് സെബാസ്റ്റിൻ, ഷിനു ജോസഫ്, ജിബി തോമസ്, ഷാന  മോഹൻ, ലെബോൺ മാത്യു   എനിവർ അറിയിച്ചു.
Join WhatsApp News
pravasi Man 2021-07-05 06:54:07
We do not want "Lokakerala Sabha" Overseas MLA or MP. Last Govt made something like these. It was just waste of Kerala Tax payers money. It was useless. No action or help for any body from that Kerala Sabha. The so called Kerala Sabha members got several benefits with tax payers money. Free palne ticket, Free hotel accomodation, free publicity etc.. etc. They are also very enefficent people, especially some "Sthuthipadakar of the Pinarai Govermant. FOMA or Fokana must stay away from that. We know some of these FOMA ot Fokana or some of the selfish people are trying to get such positions. Please do not support. We even do not want pravasi minster like Vayalar Ravi type. See these people are another window to block pavasi issues.
മാമൻ 2021-07-05 11:47:44
അമേരിക്കൻ മലയാളികളുടെ ഉന്നമനത്തിനായി ആരംഭിച്ച ഈ സംഘടന ഇപ്പോൾ വന്ന് വന്ന് കേരളത്തിന്റെ മൊത്തം ഉന്നമനമാണ് ലക്ഷ്യം വെയ്ക്കുന്നത് എന്ന് തോന്നിപ്പോകുന്നു. ബാലരാമ പുരത്തെ കൈത്തറി മേഖലയെ സഹായിച്ചത് പോലെ, ആലപ്പുഴയിലെ കയർ വ്യവസായത്തെയും കൂടി പരിഗണിക്കണം. തൂങ്ങി ചാവനുള്ള അവസാനത്തെ പിടിവള്ളിയാണ് നമ്മുടെ സ്വന്തം കയർ. മാമനോട് ഒന്നും തോന്നരുതെ മക്കളേ
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക