-->

America

യു.എസിൽ രോഗികൾ കൂടുന്നു; പക്ഷെ  കോവിഡ്  മരണസംഖ്യ കുറയുന്നു

Published

on

കഴിഞ്ഞ ഒരാഴ്ചയായി  പുതിയ കോവിഡ്  കേസുകളുടെ എണ്ണവും ആശുപത്രിയിൽ പ്രവേശനം നേടുന്നവരുടെ എണ്ണവും ഉയർന്നെങ്കിലും   പ്രതിദിന മരണസംഖ്യ 20 ശതമാനത്തോളം കുറഞ്ഞതായി അധികൃതർ അറിയിച്ചു. 

ദിവസേനയുള്ള കൊറോണ വൈറസ് കേസുകൾ  2.3 ശതമാനം വർദ്ധിച്ചു. ദിവസേന  ആശുപത്രിയിൽ പ്രവേശിതരാകുന്ന രോഗികളുടെ നിരക്ക്  2.7 വർദ്ധിച്ചു.

മാർച്ച് 30 നും ഏപ്രിൽ 5 നും ഇടയിൽ പ്രതിദിനം മരണസംഖ്യ  745 ആണ്. മുൻ ആഴ്‌ച  ശരാശരി 928 ആളുകൾ പ്രതിദിനം മരണപ്പെട്ടിരുന്നു. മരണസംഖ്യയിൽ  19.7 ശതമാനം ഇടിവാണ് രേഖപ്പെടുത്തിയത്.

വാക്സിനേഷൻ നിരക്ക് വർദ്ധിച്ചുകൊണ്ടിരിക്കുന്നതിനാലാണ് മരണനിരക്ക് കുറയുന്നത്.
യുഎസിൽ പ്രതിദിനം, ഏകദേശം 3 മില്യൺ ആളുകൾക്ക് ഇപ്പോൾ ഡോസ് ലഭിക്കുന്നുണ്ട്.

മോഡേണ വാക്സിന് ഫൈസറിന്റേതിനെ അപേക്ഷിച്ച്  കൂടുതൽ പാർശ്വഫലങ്ങൾ 

വാഷിംഗ്ടൺ: മോഡേണ വാക്സിൻ എടുക്കുന്നവരിൽ ഫൈസർ‌ ഡോസ് എടുക്കുന്നവരെ അപേക്ഷിച്ച് കൂടുതൽ പാർശ്വഫലങ്ങൾ റിപ്പോർട്ട് ചെയ്തിട്ടുണ്ടെന്ന് പുതിയ പഠനം ചൂണ്ടിക്കാണിക്കുന്നു.
വി-സേഫ് എന്ന പേരിൽ സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) പ്രോഗ്രാം വഴി, വാക്സിൻ സ്വീകർത്താക്കളിൽ റിപ്പോർട്ട് ചെയ്യപ്പെട്ട പാർശ്വഫലങ്ങൾ കണ്ടെത്തി ശേഖരിച്ച് വിശകലനം ചെയ്ത് നടത്തിയ പഠനം ജമാ(JAMA ) ജേണലിലാണ് പ്രസിദ്ധീകരിച്ചത്.

ആകെ  3,643,918 പേരാണ് വി-സേഫിൽ രജിസ്റ്റർ ചെയ്തത്. ഫെബ്രുവരി 21 ന് മുമ്പ് ആദ്യത്തെ ഡോസ് സ്വീകരിച്ച്  ഏഴു ദിവസത്തിനുള്ളിലാണ് ഇവർ ആരോഗ്യ സർവേയിൽ പങ്കെടുത്തത്.
1,920,872 പേർ രണ്ടാമത്തെ ഡോസിന് ശേഷം ഏഴു ദിവസത്തിനുള്ളിലാണ് സർവേയിൽ പങ്കെടുത്തത്.

70 ശതമാനം പേരും വാക്സിനേഷൻ സൈറ്റിൽ വച്ചുതന്നെ വേദന, നീർവീക്കം എന്നിങ്ങനെ തങ്ങൾക്ക് ഏതെങ്കിലും പ്രതികരണം അനുഭവപ്പെട്ടിരുന്നതായി പറഞ്ഞു. പകുതി പേർക്കും ക്ഷീണവും മരവിപ്പും പോലെ പൊതുവായ പ്രതികരണവുമുണ്ടായി.
  ഫൈസർ വാക്സിൻ  ലഭിച്ചവരുമായി താരതമ്യപ്പെടുത്തുമ്പോൾ,   മോഡേണ സ്വീകരിച്ചവരിൽ റിയാക്റ്റോജെനിസിറ്റി അഥവാ വാക്സിൻ സ്വീകരിച്ച് ഉടനെ പ്രകടമാകുന്ന പാർശ്വഫലം കൂടുതലാണെന്ന് റിപ്പോർട്ടിൽ കണ്ടെത്തി.
  മോഡേണ സ്വീകരിച്ചവരിൽ  73 ശതമാനമാണ് പാർശ്വഫലങ്ങൾ കണ്ടതെങ്കിൽ  ഫൈസർ‌  ലഭിച്ചവരിൽ  65 ശതമാനം മാത്രമായിരുന്നു.

ഏത് വാക്സിൻ സ്വീകരിച്ചാലും 65 വയസ്സിന് താഴെയുള്ളവരെ അപേക്ഷിച്ച് 65 വയസ്സിനു മുകളിലുള്ളവർക്ക് പാർശ്വഫലങ്ങൾ ഉണ്ടാകാനുള്ള സാധ്യത കുറവാണെന്നും ഗവേഷകർ [പറഞ്ഞു.
 വാക്സിൻ പാസ്‌പോർട്ടുകൾ ഉപയോഗിക്കാൻ പദ്ധതിയിടുന്ന സംസ്ഥാനങ്ങൾ 

വാക്സിൻ പാസ്‌പോർട്ടുകളുടെ  ഉപയോഗം സംബന്ധിച്ച് വ്യത്യസ്ത അഭിപ്രായമാണുള്ളത്.
ന്യൂയോർക്ക്  ഉൾപ്പെടെ നിരവധി സംസ്ഥാനങ്ങൾ ഈ ആശയം സ്വീകരിക്കുമ്പോൾ, മറ്റുള്ളവർ നിരോധിക്കാനുള്ള  നീക്കത്തിലാണ് .

കഴിഞ്ഞ മാസമാണ്,  രാജ്യത്ത് ഔദ്യോഗികമായി ഡിജിറ്റൽ വാക്സിൻ പാസ്‌പോർട്ട് ഏർപ്പെടുത്തുന്ന ആദ്യത്തെ സംസ്ഥാനമായി ന്യൂയോർക്ക് മാറിയത്.
 കൊറോണ വൈറസിനെതിരെ പ്രതിരോധ കുത്തിവയ്പ് സ്വീകരിച്ചിട്ടുണ്ടെന്ന് തെളിയിക്കുന്ന രേഖയ്ക്ക് എക്സൽസിയർ പാസ് എന്ന പേരാണ് ന്യൂയോർക്കിൽ നൽകിയിരിക്കുന്നത്. 
വാക്സിനേഷൻ സ്റ്റാറ്റസ്  അല്ലെങ്കിൽ സമീപകാല കോവിഡ് പരിശോധനയിൽ നെഗറ്റീവ് ആണ് ഫലം എന്ന് തെളിയിച്ചുകൊണ്ട് ഇവന്റുകളിലേക്കും ബിസിനസ്സുകളിലേക്കും പ്രവേശനം നേടുന്നതിന്  ന്യൂയോർക്കുകാരെ അനുവദിക്കുന്ന പാസാണിത്.

മാഡിസൺ സ്ക്വയർ ഗാർഡനും ആൽബനിയിലെ ടൈംസ് യൂണിയൻ സെന്റരിലും ഈ ആപ്ലിക്കേഷൻ ഉപയോഗിക്കാൻ തുടങ്ങി കഴിഞ്ഞു.  കല, വിനോദം കൂടാതെ ഇവന്റുകൾ  പാസ് ഉപയോഗപ്പെടുത്തുമെന്നാണ്  പ്രതീക്ഷിക്കുന്നതെന്ന് ഗവർണർ  ആൻഡ്രൂ കോമോയുടെ വക്താവ്  പറഞ്ഞു.

 വാക്സിൻ പാസ്‌പോർട്ടിന് ആവശ്യമായ സാങ്കേതികവിദ്യയെക്കുറിച്ച് തന്റെ സംസ്ഥാനം പഠിച്ചുവരികയാണെന്നും കൂടുതൽ കാര്യങ്ങൾ ചെയ്യേണ്ടതുണ്ടെന്നും ഹവായി ഗവർണർ 
 ഡേവിഡ് ഈഗെ തിങ്കളാഴ്ച മാധ്യമപ്രവർത്തകരോട് പറഞ്ഞു.
  
പാസ്‌പോർട്ടുകളെ പിന്തുണയ്ക്കുന്നുവെന്ന് ഇല്ലിനോയി ഗവർണർ ജെ.ബി പ്രിറ്റ്‌സ്‌കറും അഭിപ്രായപ്പെട്ടു. എന്നാൽ, ഒരു ഇവന്റിലോ മറ്റോ പ്രവേശിക്കാൻ അവ ആവശ്യമില്ലെന്ന് അദ്ദേഹം കൂട്ടിച്ചേർത്തു

കേസുകളിൽ അധികവും ഇപ്പോൾ യുകെ വേരിയൻറ് മൂലം 

വളരെയധികം വ്യാപനശേഷിയുള്ള യുകെ കൊറോണ വൈറസ് വേരിയൻറ് ഇപ്പോൾ യു എസിൽ കൂടുതലാണ്. റിപ്പോർട്ട് ചെയ്യപ്പെടുന്ന കേസുകളിൽ ഏറെയും വകഭേദം മൂലമാണെന്ന് 
 സിഡിസി ഡയറക്ടർ ഡോ. റോഷൽ വലെൻസ്കി അഭിപ്രായപ്പെട്ടു.
ജാഗ്രത പാലിക്കണമെന്ന് അവർ ഓർമ്മപ്പെടുത്തി.

ബി117 വേരിയന്റിന്റെ വ്യാപനതോത്  70 ശതമാനം വരെ കൂടുതലാണെന്നാണ് കരുതുന്നത്.
എല്ലാ 50 യുഎസ് സംസ്ഥാനങ്ങളിലും ഇതിനകം ഈ വേരിയന്റ് കണ്ടെത്തിക്കഴിഞ്ഞു.
രാജ്യത്തെ കേസുകളിൽ പകുതിയിലധികം കേസുകളും യുകെ വേരിയന്റ് മൂലമാണ്.
കഴിഞ്ഞയാഴ്ച ന്യൂയോർക്ക് സിറ്റിയിൽ പുതിയ കോവിഡ്  കേസുകളിൽ 70 ശതമാനവും വകഭേദങ്ങൾ  മൂലമാണെന്ന് റിപ്പോർട്ട് ചെയ്തിരുന്നു. അവയിൽ കൂടുതൽ കേസും ന്യൂയോർക്കിൽ തന്നെ കണ്ടെത്തിയ B.1.526 വേരിയൻറ് മൂലമാണ്.

ജെ&ജെ വാക്സിൻ സ്വീകരിച്ച 13 പേരിൽ പാർശ്വഫലങ്ങൾ കണ്ടതോടെ വാക്സിനേഷൻ സൈറ്റ് അടച്ചു 
കൊളറാഡോയിൽ  ജോൺസൺ & ജോൺസൺ വാക്സിൻ സ്വീകരിച്ച 13 പേരിൽ പാർശ്വഫലങ്ങൾ കണ്ടതോടെ വാക്സിനേഷൻ സൈറ്റ് ഒരു ദിവസത്തേക്ക് അടച്ചിട്ടു. 
 ബുധനാഴ്ചയാണ് സംഭവം.
ഏത്‌ തരത്തിലുള്ള പ്രതികരണങ്ങളാണ് ഉണ്ടായതെന്ന്  ഉദ്യോഗസ്ഥർ വെളിപ്പെടുത്തിയിട്ടില്ല.
കൊമേഴ്‌സ് സിറ്റിയിലെ സ്‌പോർട്ടിംഗ് ഗുഡ്സ് പാർക്കിൽ 1,700 ൽ അധികം ആളുകൾ വാക്സിൻ സ്വീകരിച്ചതിൽ  1 ശതമാനത്തിൽ താഴെ ആളുകൾക്കാണ് പാർശ്വഫലം  റിപ്പോർട്ട് ചെയ്തത്.
സെഞ്ചുറ ഹെൽത്തും സ്‌റ്റേറ്റും  സംയുക്തമായാണ് വാക്സിനേഷൻ പ്രക്രിയ നടത്തിയിരുന്നത്.
സൈറ്റ് അടച്ചതോടെ, ബുധനാഴ്ചത്തേക്ക് അപ്പോയിന്റ്മെന്റ് എടുത്ത 600 ലധികം ആളുകൾക്ക്  കുത്തിവയ്പ്പ് എടുക്കാൻ കഴിഞ്ഞില്ല.
ഇവർക്ക്  ഞായറാഴ്ച മറ്റൊരു സൈറ്റിൽ അവരുടെ അപ്പോയിന്റ്മെന്റ്  വീണ്ടും ഷെഡ്യൂൾ ചെയ്യാൻ കഴിയും.


 

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ബൈഡന്റെ അപാരബുദ്ധി (കാര്‍ട്ടൂണ്‍: സിംസണ്‍)

ഫോമാ കോവിഡ് സഹായം ഈ ആഴ്ച അയക്കും; കൺവൻഷൻ വേദി പരിശോധിക്കുന്നു

ഫ്ളോറിഡയിലേക്ക് താമസം മാറ്റുന്നവരിൽ മുന്നിൽ ന്യു യോർക്കുകാർ

നിവേദ്യം (ഉഷാ റോയ്, കഥാ മത്സരം)

ന്യൂയോര്‍ക്കില്‍ മുതിര്‍ന്നവരില്‍ പകുതി പേരും രണ്ട് ഡോസ് വാക്‌സീന്‍ സ്വീകരിച്ചു

പതിനൊന്നാം വയസില്‍ ഒബാമയെ ഇന്റര്‍വ്യൂ ചെയ്ത കുട്ടി അന്തരിച്ചു

പല സ്റ്റേറ്റിലും ഇന്ധനക്ഷാമം തുടരുന്നു

ഇസ്രയേൽ പാലസ്തീൻ സംഘർഷം കനക്കുന്നു അൽജസീറ ആസ്ഥാനം ബോംബിട്ട് തകർത്തു. ബൈഡൻ ചർച്ച നടത്തി

FIACONA accuses Modi government of hampering relief efforts of Christian charities by mandating more red tape

വാക്‌സീന്‍ ചലഞ്ചിനു അമേരിക്കന്‍ മലയാളികള്‍ ഉദാരമായി സഹകരിക്കണം: മന്ത്രി കെ.കെ.ശൈലജ ടീച്ചര്‍

ഷേർളി പുതുമന (61) ന്യൂ ജേഴ്‌സിയിൽ നിര്യാതയായി  

ട്രംപിന്റെ ഉത്തരവ് റദ്ദാക്കി: ആരോഗ്യ ഇൻഷുറൻസ് ഇല്ലാത്തതിന്റെ പേരിൽ   വിസ നിഷേധിക്കില്ല: ബൈഡൻ 

പാർക്കിലൊരു സായാഹ്നം (വി.കെ.സെബാസ്റ്റ്യൻ, ഇ -മലയാളി കഥാമത്സരം)

കോവിഡ് വൈറസ് വുഹാൻ ലാബിൽ ഉത്ഭവിച്ചതാകാനുള്ള സാധ്യത തള്ളിക്കളയാനാകില്ലെന്ന് ശാസ്ത്രജ്ഞർ

പോലീസിന്റെ വെടിയേറ്റു മരിച്ച ഹില്ലിന്റെ കുടുംബത്തിന് 10 മില്യണ്‍ ഡോളര്‍ നഷ്ടപരിഹാരം

നീരാ ടാണ്ടൻ വൈറ്റ് ഹൗസ് സീനിയര്‍ അഡ് വൈസര്‍

പ്രൊട്ടസ്റ്റന്റ് ഡിനോമിനേഷനു ആദ്യ ട്രാന്‍സ്‌ജെന്‍ഡര്‍ ബിഷപ്പ്

വി സി ജോര്‍ജ്ജ് ഇനി ഓര്‍മ്മ.... ആ പുല്ലാങ്കുഴല്‍ നാദവും : രവിമേനോന്‍

'പ്രേ ഫോര്‍ ഇന്ത്യ' മേയ് 16 മുതല്‍; ഭാരതത്തിനുവേണ്ടി സപ്തദിന ദിവ്യകാരുണ്യ ആരാധനയുമായി ശാലോം വേള്‍ഡ് പ്രയര്‍

പശ്ചിമേഷ്യ സംഘര്‍ഷം ഡെമോക്രാറ്റിക് പാര്‍ട്ടിയില്‍ വലതു- ഇടതുപക്ഷ ചേരിതിരിവ്

ഡാളസ് സൗഹൃദ വേദിയുടെ മാതൃ ദിനാഘോഷം

മലയാളം സൊസൈറ്റി യോഗത്തില്‍ ഉണര്‍ത്തുപാട്ട്, മാതൃദിന-നേഴ്‌സസ് ദിന ചിന്തകള്‍

ഇ-മലയാളി ഡെയിലി ന്യുസ്  വരിക്കാരാകുക

ഇസ്രായേലിനിത് നിലനില്‍പിന്റെ പ്രശ്‌നം. (സാം നിലമ്പള്ളില്‍)

പ്രവാസി മലയാളി ഫെഡറേഷൻ  നോർത്ത് അമേരിക്ക അനുശോചിച്ചു 

അരികിൽ ഒരാൾ (ഗീത നെന്മിനി, ഇ -മലയാളി കഥാമത്സരം)

കോവിഡ് കാലത്തെ കൃഷി

കോവിഡ് സഹായ പദ്ധതി: ഫോമയും, അംഗസംഘടനകളും കേരള സര്‍ക്കാര്‍ ഉദ്യോഗസ്ഥരും യോഗം ചേര്‍ന്നു

സീറോ-മലബാർ അല്മായ സിനഡ്: ചാക്കോ കളരിക്കൽ

ഫോമയുടെ കോവിഡ് സഹായ പദ്ധതിക്ക് പിന്തുണയുമായി ക്യാപ്റ്റൻ വിബിൻ വിൻസൻറ്

View More