ഇന്ത്യ-ചൈന സുഹൃത് ബന്ധം കൂടുതല് ശക്തമാക്കണമെന്ന് ചൈനീസ് ഫിലിം അക്കാദമി അധ്യക്ഷന് ഷിങ് ഷിന്യാന്. അതിലൂടെ എല്ലാതരത്തിലുമുള്ള സിനിമാ ആശയങ്ങളും ചൈനയ്ക്കു ഇന്ത്യയുമായി പങ്കുവയ്ക്കാന് സാധിക്കുമെന്നും അദ്ദേഹം പറഞ്ഞു.
പഴയ സിനിമകള് റെസ്റ്റോര് ചെയ്യുമ്പോള് കാലപ്പഴക്കം പ്രധാനമാണെന്നും ഫിലിമുകളില് സൂക്ഷിക്കുന്ന ചിത്രങ്ങളുടെ ആയുസ് കുറവാണെന്നും അദ്ദേഹം പറഞ്ഞു. തുടര്ന്ന് ജാക്കിച്ചാന്, ബ്രൂസ് ലി തുടങ്ങിയവരുടെ പുനരുദ്ധാരണം നടത്തിയ ചിത്രങ്ങള് പ്രദര്ശിപ്പിച്ചു. കേരള ചലച്ചിത്ര അക്കാദമി വൈസ് ചെയര്പേഴ്സണ് ബീന പോള്, സെക്രട്ടറി മഹേഷ് പഞ്ചു എന്നിവര് പങ്കെടുത്തു.