ഫ്ലോറിഡ : ഫോമാ സൗത്ത് ഈസ്റ്റ് റീജിയന്റെ മുന് വൈസ് പ്രസിഡന്റ് റെജി ചെറിയാന്റെ അകാലനിര്യാണത്തില് ഫോമാ സണ് ഷൈന് റീജിയണ് അനുശോചനം രേഖപ്പെടുത്തി. ഫോമായുടെ നെടുംതൂണായി പ്രവര്ത്തിക്കുക എന്നുള്ളത് മാത്രമല്ല, എല്ലാവരുടെയും മനസില് ചിരപ്രതിഷ്ഠനേടുവാനും അതോടൊപ്പം ചാരിറ്റി പ്രവര്ത്തനങ്ങളില് ഒരു നിറ സാന്നിധ്യമാകുവാനും റെജി ചെറിയാനു സാധിച്ചിരുന്നു എന്ന് റീജിയണ് വൈസ് പ്രസിഡന്റ് ശ്രീ . ബിജു തോണിക്കടവിലില് തന്റെ അനുശോചന സന്ദേശത്തില് അറിയിച്ചു.
അമേരിക്കന് മലയാളികള്ക്ക് വളരെ സുപരിചിതനായ ഇദ്ദേഹത്തിന്റെ വേര്പാട് അമേരിക്കന് മലയാളികള്ക്കും, ഫോമായ്ക്കും ഒരു തീരാനഷ്ടമാണന്ന് ഫോമാ പ്രസിഡന്റ് ഫിലിപ്പ് ചാമത്തില് തന്റെ അനുശോചന സന്ദേശത്തില് അറിയിച്ചു. റെജി ചെറിയാന്റെ പേരില് ഫോമാ സൗത്ത് ഈസ്റ്റ് റീജിയന്റെ ആഭിമുഖ്യത്തില് നടത്തുന്ന ഫണ്ട് റെയിസിംഗിന്, ഫോമാ സണ് ഷൈന് റീജിയണ്ന്റെ എല്ലാ സഹായ സഹകരണങ്ങളും വാഗ്ദാനം ചെയ്തു. റീജിയണ് വൈസ് പ്രസിഡന്റ് ശ്രീ . ബിജു തോണിക്കടവിലിന്റെ അദ്ധക്ഷതയില് കൂടിയ യോഗത്തില് റീജിയണിലെ എല്ലാ അംഗ സംഘടനകളില് നിന്നുമായി നാല്പ്പതില് അധികം ആളുകള് പങ്കുചേര്ന്നു. ഈ അനുശോചനായോഗത്തില് സംസാരിച്ച എല്ലാവരും റെജി ചെറിയാനെ കുറിച്ചുള്ള നല്ല ഓര്മ്മകള് അയവിറക്കി .
സന്തപ്ത കുടുംബത്തിന്റെ ദുഃഖത്തില് പങ്കുചേരുന്നതായി നാഷണല് കമ്മിറ്റി അംഗംങ്ങളായ നോയല് മാത്യു, പലോസ് കുയിലാടന് , നാഷണല് വുമണ് കമ്മിറ്റി അംഗമായാ അനു ഉല്ലാസ് , റീജിയണ് ജനറല് കണ്വീനര് ജോമോന് തെക്കേതൊട്ടിയില്, റീജിയണ് സെക്രട്ടറി സോണി കണ്ണോട്ടുതറ, റീജിയണ് പി, ആര്, ഓ അശോക് പിള്ള എന്നിവര് അനുശോചന സന്ദേശത്തില് അറിയിച്ചു.