മെല്ബണ്: സെന്റ് അല്ഫോന്സ സീറോ മലബാര് കത്തീഡ്രലില് ഇടവക മദ്ധ്യസ്ഥയായ വിശുദ്ധ അല്ഫോന്സാമ്മയുടെ തിരുനാള് ഫെബ്രുവരി 24ന് (ഞായര്) ആഘോഷിക്കുന്നു.
തിരുനാളിന് ഒരുക്കമായുള്ള നൊവേന ഇടവകയുടെ വിവിധ ഭാഗങ്ങളിലുള്ള ദേവാലയങ്ങളില് ഫെബ്രുവരി 16 മുതല് ആരംഭിച്ചു. ക്യാംന്പെല് ഫീല്ഡിലെ സോമെര്സെറ്റ് റോഡിലുള്ള കാല്ദീയന് ദേവാലയത്തിലാണ് തിരുനാള് ദിനമായ ഫെബ്രുവരി 24 ലെ തിരുക്കര്മങ്ങള് നടക്കുന്നത്. ഉച്ചകഴിഞ്ഞ് മൂന്നിന് കത്തീഡ്രല് വികാരി ഫാ. മാത്യു കൊച്ചുപുരയ്ക്കല് കൊടിയേറ്റു കര്മം നിര്വഹിക്കുന്നതോടെ തിരുനാള് ആഘോഷങ്ങള്ക്ക് തുടക്കമാകും. തുടര്ന്ന് വിശുദ്ധരുടെ തിരുസ്വരൂപങ്ങള് പ്രത്യേകം അലങ്കരിച്ച പീഠങ്ങളില് പ്രതിഷ്ഠിക്കും. കഴുന്നും മുടിയും എഴുìള്ളിക്കാനും അടിമ വയ്ക്കാനുമുള്ള സൗകര്യവും ഉണ്ടായിരിക്കും. 4.30ന് നടക്കുന്ന ആഘോഷമായി തിരുനാള് കുര്ബാനക്ക് മെല്ബണ് സീറോ മലബാര് രൂപതാധ്യക്ഷന് മാര് ബോസ്കോ പുത്തൂര് മുഖ്യകാര്മികത്വം വഹിക്കും. വികാരി ജനറാള് മോണ്.ഫ്രാന്സിസ് കോലഞ്ചേരി, ചാന്സിലറും കത്തിഡ്രല് വികാരിയുമായ ഫാ. മാത്യു കൊച്ചുപുരയ്ക്കല് എന്നിവര് സഹകാര്മികരായിരിക്കും. തുടര്ന്നു വിശുദ്ധരുടെ തിരുശേഷിപ്പും തിരുസ്വരൂപങ്ങളും വഹിച്ചുകൊണ്ട് ആഘോഷമായ പ്രദക്ഷിണം നടക്കും. സമാപന പ്രാര്ത്ഥകള്ക്കുശേഷം 2020ലെ തിരുനാള് ഏറ്റു കഴിക്കുന്നവരുടെ പ്രസുദേന്തി വാഴ്ചയും നടക്കും. സ്നേഹവിരുന്നോടെ ആഘോഷങ്ങള് സമാപിക്കും.
54 പ്രസുദേന്തിമാരാണ് ഈ വര്ഷത്തെ തിരുനാള് ഏറ്റെടുത്തു നടത്തുന്നത്. തിരുനാളിന്റെ വിജയത്തിനായി വികാരി ഫാ. മാത്യു കൊച്ചുപുരയ്ക്കല്, കൈക്കാരന്മാരായ ക്ലീറ്റസ് ചാക്കോ, ആന്റോ തോമസ്, പാരീഷ് കൗണ്സില് അംഗങ്ങള്, പ്രസുദേന്തിമാര് എന്നിവരുടെ നേതൃത്വത്തില് വിവിധ കമ്മിറ്റികള് പ്രവര്ത്തിച്ചുവരുന്നു.
റിപ്പോര്ട്ട്: പോള് സെബാസ്റ്റ്യന്